Agureiri!!!! :)

Eins og ég dáist mikið af Norðlenskunni, hefur mér alltaf þótt gaman að tala um "Agureyri" en ekki Akureyri,- hefur eitthvað að gera með þörf mína til að skemmta skrattanum......

Við mæðginin höfum nú verið hér tvær nætur í fínu yfirlæti, og afbragðsgóðu veðri.  Við erum ekkert að stressa okkur, meira svona afslöppun.  Fórum í sund í gær, en ég verð nú að viðurkenna að mér finnst það ekki afstressandi,- ætti eiginlega að opna sundlaugar eða sundlaugatíma, bannaða börnum, svo maður geti slappað af.  Barnafólk virðist vera á þeirri skoðun að öllum, kunnugum sem ókunnugum,- finnist litlu englarnir þeirra æðisleg krútt.....

Mig vantar þessi gen, og þegar eitthver ókunnugur krakkagrislingur stendur rétt hjá mér, þar sem ég ligg og sleiki sólina, vill jafnvel sofna smá,-þá ákveður krakkinn að nú sé rétti tíminn til að busla, sparka vatni í alla í kringum sig, rennur svo á rassinn og fer að grenja,- þá hverfur áhugi minn fyrir laugunum, eins og dögg fyrir sólu!!!

Nei, ef ég byggi á landinu, myndi ég hiklaust setja af stað baráttu fyrir frið í laugunum!!!! Hehehehehehehe

Ferðalagið er frábært, og ég hef í heildina mjög gaman af öllu saman,- þrátt fyrir barlóm og svartsýnisspár gagnvart verðbólgu og vinnumarkaði.......

Eigið yndislega helgi elskurnar!!!

Kv

Steinunn

Athugasemdir

[Óskar Þorkelsson, 25.7.2008 kl. 12:08]

Þegar þér tekst að segja aureyi án þessað blikna fyrir norðan þá ertu komin langt ;)   Hafðu það sem best í fríinu.

[Sigga (IP-tala skráð) 6.8.2008 kl. 10:08]

Djöfull er ég sammála þessu með grislingana.  Ekki það að ég hafi á móti litlum börnum en stundum finnst mér eins og foreldrarnir líti á sundlaugarnar sem barnapíu og þegar foreldrarnir eru mættir á staðinn með ormana að þeim finnist að gemlingarnir megi ganga lausir, láta dólgslega og pirra sundlaugargesti að vild og okkur sem verða fyrir barðinu á þeim á bara að finnast þetta krúttlegt.  Enda hef ég misst áhugann á því að fara að degi til í sund í góðu veðri.  Spurning með að hafa svæði í sundlaugunum sem er bara fyrir fullorðna og bannað börnum.