Jarðvísindamenn undrandi...??

Fréttir af eldgosi í Eyjafjalljökli, var það fyrsta sem mætti augum trukkalessunnar,- þegar kveikt var á tölvunni í morgunsárið.  Get alls ekki sagt að það hafi komið mér á óvart. Það sem hinsvegar kemur mér á óvart, er sú saðreynd að flestar fréttir sem ég hef lesið varðandi hræringar undir jöklinum undanfarið, hafa haft niðurlagið "Jarðvísindamenn telja ekki ástæðu til að búast við eldgosi"......??

 Að vísu kannaðist Ármann Höskuldsson við það, í marsbyrjun, að skjálftavirknin gæti leitt til eldgoss. Lítið hef ég lesið frá öðrum jarðvísindamönnum, nema að þeir hafi verið uppteknir við að bera af sér hugmyndir fréttamanna og annarra, um hugsanlegt eldgos.

Kannski telja þessir snillingar að þeir séu að vernda íslenskan almenning, gegn ofsahræðslu......Geri mér ekki alveg grein fyrir hvað veldur,- en hitt er víst að hvaða útskýringar sem þarna liggja fyrir, eru með öllu óásættanlegar.  Það er dagjóst að jarðvísindamenn geta með góðu móti spáð fyrir um eldgos, með nokkuð góðum fyrirvara. Þeir sem skammast sín fyrir vikubiðina, þegar síðasta stógos varð í Vatnajökli, ættu að hugsa sig um aftur.  Betra er að gefa fóki staðreyndir, og leyfa því að halda vöku sinni, heldur en að það sé granadalaust og í óbilandi trausti sínu á jarðvísindamenn, sé nokkuð öruggt um að ekkert sé á seyði.

Ég hef einnig lesið að RÚV hafi algjörlega klikkað, sem öryggistæki. Þaðan hafi borist mjög takmarkaðar og illa unnar fréttir. Og þar með sé þð ljóst að menn þar á bæ, séu ekki alveg með sitt hlutvek á hreinu.

Allir ofantaldir eru á launaskrá Ríkisins, ef mér skjöplast ekki. Þar af leiðandi er það mikilvægt að þessir starfsmenn fólksins í landinu, geri sér grein fyrir upplýsingakyldu sinni til almennings, sem er í rauninni atvinnuveitandi þeirra.

Annas vona ég að þetta verði fallegt gos, skaði engan, en dragi til landsins fullt af ferðamönnum!!

Góðar stundir

Steinunn

Flugvöllum lokað

Athugasemdir

[Guðmundur Eyjólfur Jóelsson, 21.3.2010 kl. 07:31]

Við búum á eldfjallalandi og við sem búum hér má vera ljóst að jarðfræðingar eru í nokkrum vanda til að sjá fyrir um eldgos þar er náttúrann óútreiknanleg. Gosið í Heimaey 1973 sýnir það svart á hvítu .

Ég átta mig ekki alveg á að það sé hægt að skammast í jarðvísindamönnum og sagt þeir geti alveg sagt fyrir um eldgos sem er bara ekki rétt .Við sem búum hér vitum undir niðri þegar svona hræringar verða getur allt gerst við eigum alltaf að búa okkur undir það versta .Við skulum átta okkur á því að það getur gosið nálægt Reykjavík og við höfum áætlannir varðandi þegar það gerist ,það er ekki spurning um hvort heldur hvenær .það getur gerst á morgunn en það geta líka liðið þ+usundi ára .

[Bjarki (IP-tala skráð) 21.3.2010 kl. 09:36]

Það er búið að vera viðbúnaðarstig vegna mögulegs eldgoss í Eyjafjallajökli í nokkrar vikur þannig að ég skil ekki alveg hvernig þú færð það út að þetta komi nokkrum jarðvísindamönnum á óvart. Það gerir það ekki. Þeir hafa einfaldlega sagt það sem þeir best vita og það er að skjálftahrina líkt og sú staðið hefur yfir í Eyjafjallajökli er líklegri til þess að fjara út án goss en hitt, það er einfaldlega engin leið til að bjóða upp á nákvæmari forspár en það.

[Jón Steinar Ragnarsson, 21.3.2010 kl. 09:37]

Ussussuss. Nú finnst mér trukkalessan rífa sig helst til mikið í punginn.  Staðsetning þessa goss kom mönnum mikið á óvart, enda einhver árþúsund síðan þarna kom spýja síðast. Virkni í jöklinum var í mikilli rénun og engin vís teikn um gos.  úv var að standa sig hér og hér var bein útsending frá miðnætti og fram eftir nóttu og fréttatímar á klukkustundar fresti með morgninum.

Nú er vitað að þetta er veimiltítulegt gos, sem ekki er líklegt til stórræða. Ekkert öskufall að ráði. Þetta er eins og áramótabrenna þarna í slakkanum við bröttufönn.  Bara soldið kjút.  Allir sem í einhverri hættu voru, voru komnir í öruggt skjól á innan við einum og hálfum tíma.  Nú eru menn að snúa heim til að sinna skepnum og svona og allt í gúddí hér á fróni.  Hvernig er það þarna hja þér?

[Jack Daniel's, 21.3.2010 kl. 09:46]

Í þessari umræðu spáði áhugamaður fyrir um gosið þrem tímum áður en það byrjaði og sló þar með út vísindamenn sem hafa gert þessi mál að sérgrein sinni.

Persónulega finnst mér það bara frábært.

[Jón Steinar Ragnarsson, 21.3.2010 kl. 10:08]

Hmmm...Jack Daniels, það er að vísu gleðilegt að þessi framhaldskolanemi hafi þennan gríðarlega áhuga og skilning jarðfræðinni og rétt er það að hann spáði óbeinum orðum um þetta nokkrum tímum áður, en ef þú lest vefinn þá gerði hann það nánast daglega frá í janúar og fylgdist náið með hjá veðurstofunni og vef háskólans. Það sem helstsannfærði hann nú var að í gær voru menn farnir að fara í eftirlitsflug yfir jökulinn, sem segir okkur að menn voru fyllilega með á nótunum.  Málið er bara það að það er óþarfi að vekja kvíða hjá fólki með að klifa endalaust á hættunni, eða jafnvel ýta undir Úlfur úlfur syndrome, sem væri enn meinlegra.

Það er óverðugt vegið að vísindamönnum hér. Þeir vita nákvæmlega hvað þeir eru að gera.

[Jón Steinar Ragnarsson, 21.3.2010 kl. 10:10]

Það skemmtilega við þetta er þó að þessi nemandi ákvað í dag að gera jarfræði að framtíðarbraut sinni, enda held ég að hann hafi greind og áhuga til að komast framarlega á þessu sviði.  Kannski verður hann á vaktinni uppi á veðurstofu, þegar stori smellurinn kemur.  Það er gott af því að vita.

[Steinunn Helga Snæland, 23.3.2010 kl. 07:17]

Elsku vinir :)

Takk fyrir ykkar útskýringar og innlegg,- eins og ég sagði, "ég hef lítið lesið annað en".....Það segir sig sjálft, ég sé ekki nándan nærri allar fréttir, heædur aðeins forsíður blaðanna á netinu. Ég er samt hissa að ekki voru öruggari spár fyrir gosinu ´forsíðum, eins og í Vatnajökulsgosinu, viðbúnaður Almannavarna sýnir, að ekki eru menn alveg öruggir um hversu alvarlegar afleiðingar lítið og kjút gos getur haft í byggð.

Ég er algjörlega tilbúin að éta ofan í mig, ef ég hef af engu tilefni hneykslast á viðbrögðum jarðvísindamanna, og hana nú :)

Hinsvegar hafði ég ekki heyrt þessa skondnu sögu af unga jarðvísindamanninum...Gaman af því :)

Trukkalessan hefur það bara fínt, þakka ér Jón Steinar. Er á síðustu dögum mínum í Kongó, hef sagt starfi mínu lausu hjá Sameinuðu Þjóðunum, og flýg héðan annað kvöld.  Ég flyt þar með til Noregs, og vona að vera byrjuð að trukkast þar, kringum páskana..... Stóri smellurin er alltaf spennandi möguleiki, vona að vera allavega í heimsókn á Íslandi þegar hann skellur á!!  :)

Góðar stundir allir saman