Masai Mara á morgun.....

Elskurnar, takk fyrir allar góðar áramótakveðjur hingað til Nairobi.  Við gátum skroppið út að versla í dag,- og eyddum deginum skammlaust í verslunarkjörnum. 

Svo bókuðum við snemma flug á morgun, til Masai Mara, sem er Paradís á jörð,- enda eins gott að hypja sig útúr bænum, þeir eiga von á frekari uppþotum, sem hefjast með stórum fundi á morgun,- þeir eiga von á allavega milljón manna, og okkur er sagt að þetta geti varla orðið friðsælt,- bara að vona það besta.......

Ástandið fyllir mig sorg, ég hef eytt nógum tíma í Kenya, til að vita að þetta er ekki eðlileg þróun mála hér, og það er sorglegt að þetta kostar mannslíf og meiðsl, ég á kunningja hér sem hafa misst heimili sín, eru með fjölskyldur sínar á verstu ófriðarsvæðunum,- og svo misnota innanlands flugfélögin aðstæðurnar, og juku miðaverð á mann um 100%..... Algjört samviskuleysi, þarna sannast enn, að eins dauði er annars brauð, á grófasta máta!!!

Hinn dæmigerði Kenyi er glaðlyndur, hlýr og hvers manns hugljúfi,- og ég er afar þakklát að vinir mínir og kunningjar hér halda sinni alúðlegu framkomu, þótt í annan stað þeir tali mikið um, hve þeir fyrirverði sig, fyrir að við skulum þurfa að upplifa landið þeirra í slíkri krísu. 

En ég er harðákveðin í minni skoðun,- að þetta ástand verður að vera tímabundið, og vil alls ekki að hinn dæmigerði Kenyi, telji að á sig verði hallað á nokkurn hátt af minni hálfu. Ég óska bara að þetta gangi yfir áður en fleiri mannslífum verður kastað á glæ. 

Við systur þurfum ekki að kvarta, höfum haft það gott, og munum enn hafa það gott,- en ég lít líka á þetta sem lærdómsríka reysnlu,- fyrir mig frá landinu góða, þar sem í langan tíma víð höfum trúað meira á mátt pennans og hins talaða orðs, reynum oftast að vinna að lýðræði, og drepum engan útaf ómerkilegum tittlingaskít eins og pólitík, þar sem flest okkar vitum að þegar öllu er á botninn hvolft, er sama rassgatið undir öllum pólitíkusum....Hehehehehehe

Bestu kveðjur að sinni elskurnar, hafið það sem best þessa fyrstu daga á nýju ári!!!

Steinunn