Heimþrá á vorin....

Jákvæð fréttamennska, og eitthvað sem snertir mig beint í hjartastað.....  Var bara núna rétt í fyrradag að tala við vini mína hér, og var hálfklökk þegar talað um silungsveiðar og útreiðar eða gönguferðir; á íslenskum, björtum sumarnóttum.

Ég heyri í mörgum skemmtilegum söngfuglum hér, en engum hefur tekist að framkalla þá dásamlegu tilfinningu sem söngur lóunnar hefur alltaf haft á mig.  Þetta er eitthvað sér-íslenskt fyrirbæri, held ég,- að finnast svo mikið til um lóuna,- en mér finnst það frábært engu að síður. 

Koma lóunnar á vorin gefur alltaf vísbendingar um komandi breytingar, lengri daga, betra veður, sumarfrí o.s.frv.  Og jafnvel þótt oft á tíðum við fáum yfir okkur stórstorma og snjókomu,- eftir að lóan hefur tekið land,- þá einhvernveginn verða slík hamskipti svo mikið léttari, því hún er komin, þessi sumarboði, og við vitum að það styttist í betri tíð.

Það er nákvæmlega á þeim tímamótum sem mér finnst rétt að segja 'Gleðilegt Sumar'!!!!

Bestu kveðjur að sinni og hlustiði vel eftir dirrindí!!!!

Steinunn

Lóan er komin að kveða burt snjóinn

Athugasemdir

[Haraldur Bjarnason, 28.3.2008 kl. 09:11]

Þú getur nú alveg haldið ró þinni enn um sinn, Steinunn. Ég hef það fyrir satt að þetta lóuhljóð sem heyrðist í Kópavoginum hafa nú bara verið eitthvert tíst af skrifstofu bæjarstjórans.