Umferðarráð; HALLÓ hvar eruð þið nú??!!

Síðustu vikur hefur það valdið mér talsverðu hugarangri að sjá hve mörg alvarleg bílslys hafa orðið heim á Fróni.  Stórslys á Reykjanesbraut við Vogaafleggjara, stórslys á Suðurlandsvegi, Reykjanesbraut, ekið inní hrossastóð o.s.frv. 

Í morgun voru á mbl.is tilkynntar tvær bílveltur, önnur við Hafravatn hin í Norðurárdal.......

Og nú eru á fimmta hundrað ökumenn staðnir að hraðakstri inn í miðri Reykjavík á átta klukkustundum!!!

Á sama tíma og menn eru augljóslega EKKI að haga akstri eftir aðstæðum, með skelfilegum afleiðingum; eru þeir GRENJANDI eins og smákrakkar yfir hækkandi eldsneytisverði!!! 

Hefur engum dottið í hug að kynna íslenskum ökumönnum fyrir eftirfarandi staðreyndum: 

Þú eyðir minna eldsneyti með sparasktri, þ.e. að slá aðeins af hraða.

Þú ert ólíklegri til að valda sjálfum þér og öðrum skaða, ef þú heldur hraða niðri og hagar akstri eftir aðstæðum.

Þetta eru einfaldar leiðir til eldsneytissparnaðar, og tali nú ekki um að forðast frekari skelfingarfréttir af slysum og dauðsföllum í umferðinni.

Ég átti góða vini sem slösuðust og létu lífið á Reykjanesbraut, fyrir tvöföldun.  Samt sem áður er þetta "tískufyrirbæri" sem varð að leiðindarávana, á þeim tímum,- að kenna vegakerfinu statt og stöðugt um öll slys,- algjörlega óþolandi!!!!

Það eru ekki vegirnir sem valda slysunum, það eru bjánarnir sem halda um stýrið, og sparka niður eldsneytisgjöfinni,- og ýta bifreiðinni framúr hraða sem viðeigandi er, og getu þeirra til að stjórna henni; miðað við aðstæður!!!

Í friðsælu landi, sem þjáist vart af morðum og glæpir eru í lágmarki,- engin stríðsátök,- nema með orðum og skriffærum (já tölvum...),- er alveg með ólíkindum hvað hár tollur er tekin í mannslífum og heilsu,- vegna fávitaaksturs.

Einu sinni var mjög virkt batterí rekið heima, til að minna fólk á,- og hét síðast Umferðarráð, ef ég man rétt. Þar á bæ, var rekinn heilmikill, útbreiddur og oft sjokkerandi áróður gegn hraðakstri, fyrir bílbeltanotkun, gegn ölvunarakstri o.s.frv.

Það er að sjá, að þessi stofnun hafi eitthvað lagt niður skottið, eða þá að sparnaður í löggæslu er að endurspegla hegðun íslenskra ökumanna, sem geta greinilega ekki hagað sér skikkanlega án þess að hafa barnapíur!!!

Skammist ykkar til að fara að keyra eins og fólk, þið hafið mun betri vegi en margar þjóðir heims, miklu betri ökutæki  og andskotinn vorkenni ykkur að eyða nokkrum mínútum fleirum í upphituðum/loftkældum drossíum, ef það getur forðað saklausum vegfarendum frá að þið stofnið þeim stöðugt í lífshættu!!!

Sláið af hraðanum og eigið slysalusan gæfuríkan dag öllsömul!!!

Kveðja frá Kongó

Steinunn

432 ökumenn óku yfir hámarkshraða á Hringbraut

Athugasemdir

[Baldur (IP-tala skráð) 17.4.2008 kl. 10:00]

Það er nú samt staðreyndin að þú ert öruggari á 120km hraða á Hringbrautinni heldur en á 90 á sveitavegunum. Þessir sveitavegir sem byggðir eru fyrir 70km hraða eru engan vegin nógu öruggir, það er háskalegt að keyra á 90-100 þegar það eru aðrir bílar á sama hraða að koma úr gagnstæðri átt 2 metra í burt. Slysin sjaldan beint vegna hraðans nema þegar bílar eru farnir að nálgast 200km hraða, flest banaslysin sem verða á Suðurlandsvegi og Reykjanesbraut eru framanákeyrslur þar sem einhver annaðhvort rennur yfir á rangan vegarhelming í hálku, reynir framúrakstur við vondar aðstæður eða sofnar undir stýri.

Ég er ekki að mæla hraðakstri á vegunum bót, ég vil bara benda á að flest banaslys í umferðinni þar sem ekki er um að ræða ölvunarakstur verða ekkert á ólöglegum hraða. Stærsti samnefnarinn í banvænum umferðarslysum er ölvunarakstur (og ég tel þá hraðakstur ekki með þótt fullu hálfvitarnir keyri of hratt, það er ölvunin sem veldur því að þeir keyra eins og hálfvitar), þar á eftir koma svo framanákeyrslur sem betri vegir gætu vel komið í veg fyrir.

Mér finnst að ríkisvaldið ætti að grípa til frekari aðgerða gegn ölvunarakstri frekar en að setja upp skattheimtumyndavélar á götum þar sem hámarkshraði er ekki í neinu samhengi við neitt. Ég vil frekar sjá lögregluþjóna sinna umferðareftirliti heldur en einhverjar sjálfvirkar myndavélar. Lögregluþjónarnir geta líka haft afskipti af þeim sem keyra ölvaðir eða eru á annan hátt aðfinnanlegir í umferðinni, myndavélarnar ná bara þeim sem keyra aðeins of hratt, þær geta ekki látið menn blása þegar þeir mælast á miklum hraða.

[Óskar Þorkelsson, 17.4.2008 kl. 10:49]

Baldur, hraðinn drepur !  en ég er í sjálfu sér ekkert ósammála þér með framanákeyrsæurnar og ölvunarakstur.. en hraði drepur og til þess að koma í veg fyrir fleiri dauðaslys þarf að lækka hraðann almennt..

[Ásgrímur Hartmannsson, 17.4.2008 kl. 12:23]

Bezta eyðzla fæst við stöðugan 60-90 kmh.  Nákvæmur hraði fer eftir vélarstærð.

Versta eyðzla er við annars vegar undi 40, og hins vegar yfir 120.  Og hún er öllu verri undir 40.  Það er ekki fyrr en maður laumast yfir 140 að hún verður veri en undir 40.

Td eyðir Ford Escort 1984-90 allt að 30 á hundraðið sé honum ekið undir 30.