Fáránlegur samanburður, enn fáránlegri fyrirsögn!!!

Ekki í fyrsta sinn, sem Mogga fréttamenn, slá um sig með GRÍÐARLEGRI fyrisögn, sem hefur engan grunn til að byggja á, og er frétt um ekki neitt.

Svona lagað virðist aðeins vera gert, til að byggja upp meiri móðursýki, meðal þeirra, sem nú þegar eru yfir stressaðir,- sé ekki alveg heilbrigðan tilgang þar að baki. 

Fólk er EKKI að deyja í massavís af svínaflensunni,- þau dauðsföll sem hafa verið TALIN eiga rætur sínar að rekja, til svínaflensunnar,- eru svo örlítið brot af þeim sem hafa verið greindir,- að það er nánast ekki orð á gerandi.

Hafa menn algjörlega gleymt þeim sama hræðsluáróðri, sem fór í gang í upphafi "fuglaflensunnar",- sem reyndist vera stormur í vatnsglasi?

Þetta er óþarfi, sér í lagi þar sem miklu fleiri látast daglega úr malaríu (um þúsundir barna eru greind, og látast af veikinni DAGLEGA í Afríku), kólera tekur mikinn toll, eyðninni skyldi enginn gleyma,- og svo má lengi telja......Þannig að þessi flensa er ekki teljanleg sem ofsfengin blóðtaka, enn sem komið er,- langt í frá!!!

Og á þessum byrjunardögum, skyldu menn forðast svona tilhæfulausar samlíkingar, og reyna heldur að halda sig við einfaldar staðreyndir.

Pirrar mig, en læt þetta ekki eyðileggja fyrir mér daginn!!!

Góðar stundir!!

Svínaflensan borin saman við spænsku veikina 1918

Athugasemdir

[Óskar Þorkelsson, 3.5.2009 kl. 11:34]

algerlega sammála þér :)  gaman að sjá þig aftur.. ég var í thailandi þegar þú komst á klakann um daginn.

[Sigurður M Grétarsson, 3.5.2009 kl. 11:34]

Ég heyrði í útvarpinu um daginn viðtal við Harald Briem sóttvarnarlæknir og hann var þá að tala um samanburð við spænsku veikina. Hann talaið einmitt um að fyrst hafi komið upp vægt einkenni hennar um vorið en síðan hafi komið upp skætt eintak um haustið. Hann sagði einnig að þó það hafi farist um 20 milljónir manna í veikini þá hafi dánarhlutfallið aðeins verið örfá prósent. Mig minnir að hann hafi sagt 2%. Það létust 500 manns úr veikinni hér á landi. Miðað við 2% dánarhlutfall þá hafa 25.000 íslendingar fengið veikina og þá milljarður í heiminum öllum.

[Andri Ólafsson (IP-tala skráð) 3.5.2009 kl. 15:14]

Spænska veikin var inflúenza, svínaveikin er inflúenza, þessir sjúkdómar eru tengdir. Þessir vírusar eru báðir subtypes af h1n1. Svínainflúensan sýkist á milli manna auðveldlega eins og spænska veikin gerði.

Ég er orðinn þreyttur á þessu endalausu væli í moggabloggurum, þetta stingur í augun að lesa alltaf eitthvað svona væl hliðina á fréttum.

[Svanur Gísli Þorkelsson, 3.5.2009 kl. 17:52]

Af vef Landlæknisembættissins:

 Sýkingar í mönnum af völdum svínainflúensu hafa af og til greinst í mönnum frá 6. áratug síðustu aldar. Þessar sýkingar hafa tengst umgengni við svín, t.d. á svínabúum. Frá árinu 1958 hafa greinst 17 slík tilfelli í Evrópu. Hópsýking varð af völdum svínainflúensu í mönnum í bandarískri herstöð í New Jersey í Bandaríkjunum árið 1976. Ekki tókst að sýna fram á tengsl við svín í því tilviki en augljóst að svínainflúensan barst manna á milli því að 200 manns veiktust, 12 lögðust á sjúkrahús og einn lést.

Ný svínainflúensuveira sem nú hefur greinst í mörgum ríkjum Bandaríkjanna og í Mexíkó inniheldur erfðaefni frá svína-, fugla- og mannainflúensu. Veiran berst að því er virðist frá manni til manns og virðist valda skæðum sjúkdómi í Mexíkó en vægum sjúkdómi í Bandaríkjunum.

Enn sem komið er, er ekki hægt að fullyrða að svínainflúensan muni valda heimsfaraldri en fylgst er náið með útbreiðslu veirunnar.

Um Spönsku veikina;

Spánska veikin er mannskæðasta farsótt sögunnar og deyddi um 25 milljónir manna. Sumir telja að tala látinna hafi jafnvel verið mun hærri eða allt að 40 milljónir. Á Indlandi einu saman dóu nálægt 12,5 milljónir manna. Veikinni fylgdi jafnan lungnabólga og menn létust oft innan tveggja daga eftir að sóttarinnar varð vart. Til samanburðar létust „aðeins“ rúmar 8,5 milljónir hermanna og á að giska 13 milljónir óbreyttra borgara í allri fyrri heimsstyrjöldinni.
Samkvæmt opinberum tölum létust alls 484 Íslendingar úr spönsku veikinni. Veikin kom þyngst niður á Reykjavíkingum en með ströngum sóttvörnum og einangrun manna og hluta sem grunaðir voru um að geta borið smit tókst að verja algerlega Norður- og Austurland. Í eftirfarandi töflu sjást dauðsföll af völdum veikinnar samkvæmt opinberum tölum. Einungis eru nefndir kaupstaðir en inni í þeim tölum eru aðliggjandi svæði. Vert er að taka fram að tölur yfir dauðsföll ná ekki til fósturláta sem töluvert var um.