Frelsisfréttir eru alltaf af hinu góða

Þegar heil þjóð öðlast frelsi frá einræðisherrum, er alltaf ástæða til að fagna.  Ég er afar hamingjusöm fyrir hönd Nepala, bæði Nepalskra vina minna, og annarra sem landið byggja.  Einræði Neðals var hreint með eindæmum, ég hef mjög öruggar heimildir fyrir því, að þegnum var ætlað að umbera konungshjónin sem þau væru Guðir, en ekki fólk.  Virðingin var hinsvegar langt í frá að vera gagnkvæm, þar sem konungshöllin er fullbúin meiri þægindum og munaði en nokkur venjulegur maður getur gert sér í hugarlund,- en rétt utan við hana er fátækt, misrétti og eymd, útbreitt vandamál.

Þau hjónin ferðuðust til annarra landa, þá gátu þau til að mynda ekki notað neitt sem ekki var splunkunýtt, þau myndu ekki verða vanvirt með hlutum, sem aðrir hefðu áður notað........

Átökin í Nepal, hafa verið ein hin sorglegustu sem sögur fara af. Nepalar eru upp til hópa friðsamt fólk, gjöfult og jákvætt.  En til að komast undan einræðinu, hafa maóistar og stjórnarhermenn, stráfellt hverja aðra, jafnvel öndvert sínum vilja. 

Það er auðvitað mjög áhugavert að fylgjast með framahaldinu, ég óska þess að ný stjórnvöld hafi dugnað, heiðarleika og visku til að snúa við lífi hins almenna borgra í Nepal, þar sem fólk muni njóta lýðræðis og jafnra réttinda til lífsgæða.  Eflaust tekur þetta allt sinn tíma, en í gær var stigið mjög stórt skref í rétta átt,- það er alveg á hreinu.

Munið að þakka fyrir að búa við ótrúlega góð lífskjör og mannréttindi, á alheimsmælikvarða,- jafnvel þótt oft virðist langt til lands í hvoru tilliti, á okkar fagra landi!!!

Eigið yndislegan frelsisdag, elskurnar!!!

Kv frá Kongo

Steinunn

Fyrrum konungur Nepals yfirgefur konungshöllina

Er að elta Halkötlu.....

Endurvakning

Ég sá eftirfarandi spurningalista á blogginu hennar Halkötlu, sem hafði týnt hann upp af blogginu hans Zeriaphs, en hann sá listann afturámóti hjá Gunnari Svíafara, sem fann hann áður hjá Jónu Á. Osfrv osfrv aftur í aldir.

Þar sem ég hef svo hrikalega mikið gaman af því að svara spurningalistum þá læt ég að sjálfsögðu vaða, og mun leiða alla sem hingað villast inní hinn óþægilega sannleika um það hver ég raunverulega er….

 

 

1.ERTU SKÍRÐ/UR Í HÖFUÐIÐ Á EINHVERJUM ? 

Langömmu minni í föðurætt sem bjó heima þegar ég var krakki og var mjög trúuð kona.

2. HVENÆR FÓRSTU SÍÐAST AÐ GRÁTA ?

ég grét af hlátri í morgun, þegar ég sá fréttina um "snillinginn" sem hafði komist að því að Bush væri "hættulega heimskur og hrokafullur", er enn með hiksta.

 

3. FINNST ÞÉR ÞÚ SKRIFA VEL ?

Nei, en skiljanlega þegar ég vil

5. ÁTTU BÖRN ? EF JÁ HVE MÖRG ?

Fjóra krakka

6. EF ÞÚ VÆRIR EINHVER ANNAR EN ÞÚ ERT,VÆRIRÐU VINUR ÞINN ? 

Ég veit það ekki, alltof flókin spurning,- ef ég væri ekki ég, hvaða karakter væri ég þá?? 

7. NOTARÐU KALDHÆÐNI MIKIÐ ? 

Já, geng ekki undir nafninu "The Bitch" að ástæðulausu :)

8. FÆRIRÐU Í TEYGJUSTÖKK ? 

Já, já, JÁ!!!

9. HVAÐA MORGUNMATUR ER Í UPPÁHALDI HJÁ ÞÉR ?

Kaffi og osta/marmelaði brauð...Meira kaffi...Og örlítið meira kaffi!!

10. REIMARÐU FRÁ ÞEGAR ÞÚ FERÐ ÚR SKÓNUM ?

Nei.

11. TELURÐU ÞIG ANDLEGA STERKAN ?

Tja, sumir myndu kalla það þrjósku, frekju, þversku,- mér finnst fínt að kalla það "andlega sterk"  :)

12. HVERNIG ÍS ER Í UPPÁHALDI HJÁ ÞÉR ? 

Mokka ís

13. HVAÐ ER ÞAÐ FYRSTA SEM ÞÚ TEKUR EFTIR Í FARI FÓLKS ?

Augun, spegill sálarinnar

14. RAUÐUR EÐA BLEIKUR VARALITUR ?

Varalitur??  Stundum bleikur gloss ef ég er OFSALEGA hátíðleg :)

15. HVAÐ MISLÍKAR ÞÉR MEST VIÐ SJÁLFAN ÞIG ? 

Má ekki vera að því að mislíka við sjálfa mig, læt öðrum það eftir :) 

16. HVAÐA MANNESKJU SAKNAR ÞÚ MEST ? 

Strákanna minna þriggja!!! ALLTAF!!

17. VILTU AÐ ALLIR SEM LESA ÞETTA SVARI ÞESSUM LISTA ?

Væri gaman

18. HVAÐA LIT AF BUXUM OG SKÓM ERTU Í NÚNA ?

Gallabuxur og svartir skór, vegna einkennisskyrtunnar...

19. HVAÐ VAR ÞAÐ SÍÐASTA SEM ÞÚ BORÐAÐIR ?

Marmelaði og ostabruð í morgunmat, en var í flottum dinner í gær, sniglar,-nær hrá nautalund og Chocolate mousse á eftir :)

20. Á HVAÐ ERTU AÐ HLUSTA NÚNA ?

Pink og Fratellis

21. EF ÞÚ VÆRIR LITUR, HVAÐA LITUR VÆRIR ÞÚ ?

Einhver flúrósent líklega.....

22. HVAÐA LYKT FINNST ÞÉR BEST ? 

Nýslegið gras......En bara á Íslandi!

23. VIÐ HVERN TALAÐIRÐU SÍÐAST Í SÍMA ? 

Ian

24. LÍKAR ÞÉR VEL VIÐ ÞÁ MANNESKJU SEM SENDI ÞÉR ÞESSAR SPURNINGAR? 

Sá sem sýndi mér þessar spurningar hlýtur að vera frábær, er á blogg-vina-listanum mínum!!

25. UPPÁHALDSÍÞRÓTT SEM ÞÚ HORFIR Á ? 

RUGBY!!!!!!!!

26. ÞINN HÁRALITUR ? 

Brúnn

27. AUGNLITUR ÞINN ?

Blár.

28. NOTARÐU LINSUR ? 

Í mörg ár, en fór svo í laser, sé eins og örn.....

29. UPPÁHALDSMATUR ?

Erfitt, íslenkst lamba og folaldakjöt, svo auðvitað íslenskur fiskur af bryggjunni!!

30. HRYLLINGSMYND EÐA GÓÐUR ENDIR?

Fer eftir skapinu......

31. SÍÐASTA BÍÓMYND SEM ÞÚ SÁST Í BÍÓ ? 

Kemst eiginlega aldrei í bíó, held það hafi verið Iceage #2 í Nairobi....

DVD og gervihnattarsjónvarp er mitt stuff......

32. KNÚS OG KOSSAR EÐA LENGRA Á FYRSTA DEITI ? 

Hahahahahaha.......Fer eftir sex-appeal "deitarans"

33. UPPÁHALDS EFTIRRÉTTUR ?

Flan eða Choclate mousse, eða Tíramíshu, eða.....Hljóma ég eins og nautnaseggur?? 

34. HVER ER LÍKLEGASTUR TIL AÐ SVARA ÞESSU OG BIRTA ?

Mmmmm.... That´s a thought.... Ég hlakka til að vita hverjir!!

35. HVER ER ÓLÍKLEGASTUR ? 

Enginn frekar en annar.

36. HVAÐA BÓK ERTU AÐ LESA ? 

Ég er með Robert Ludlum á náttborðinu, Arnald Indriðason á stofuborðinu og Bókin "The Yes man" sem er fyndnasta heimspeki EVER, í bakpokanum..... 

37. HVAÐA MYND ER Á MÚSAMOTTUNNI ÞINNI ? 

Hrollur, að sjálfsögðu,- gjöf frá einum af mörgum vinum, sem kalla mig "Helga The Horrible Viking Lady".......Hehehehehehe

38. Á HVAÐ HORFÐIRÐU Í SJÓNVARPINU Í GÆR ?

Eastenders, The Weakest Link, Waking The Dead og Fréttir, BBC World, Sky, Euro News og smá af USA menguðu CNN.....

39. ROLLING STONES EÐA BÍTLARNIR ?

Erfitt....Bítlarnir já,- Rollingarnir ef "night out"

40. HVAÐ ER ÞAÐ LENGSTA SEM ÞÚ HEFUR FARIÐ FRÁ ÍSLANDI ?

Cape Town líklega, nema Cairo sé lengra í burtu, er ekki viss.... 

41. HVERJIR ERU ÞÍNIR HELSTU EIGINLEIKAR ?

Hreinskilni, heiðarleiki og minn húmor (þarf ekki endilega að vera eiginleiki í augum annarra) 

42. HVAR FÆDDISTU ?

Hafnarfirði, það var engin fæðingardeild á Vatnleysuströndinni

43. SVÖR FRÁ HVERJUM ERTU SPENNTUST/SPENNTASTUR AÐ FÁ SJÁ ?

Sverri Stormsker, langar að vita hvaða lit af varalit hann notar :)

Surprise, surprise...!!??

Ég get nú ekki sagt að mér finnist þessi Norðmaður hafa komist að niðurstöðu, sem sé jafnfrækileg og að finna upp hjólið, til dæmis.....          

Ég er ansi hrædd um að það sé nokkuð sterk alheims-samstaða fyrir þessari skoðun, maðurinn (Bush) hefur gert sig að apa, alltof oft, frammi fyrir þjóðum heims,- og að tala um "hættulega blöndu" af heimsku (tja...fáfræði) og hroka, er mjög hógvær yfirlýsing, að mínu mati......

En mér finnst þetta ekki snúast allt um Bush, eða Bandaríkin, hvað hafa ekki aðrar NATO þjóðir lagt af mörkum í átökunum í mið-austurlöndum, og hverjum til framdráttar?  Mér er hreinlega bara spurn??

Nú um helgina létust þrír mjög ungir Bretar, í sjálfsmorðssprenginu í Afganistan,- þar með er tala látinna hermanna úr breskum herbúðum, komin yfir eitthundrað, þeim slóðum. Yfirmaður, sem Sky ræddi við, sagði þá ekki vera búnir að missa móðinn, langur vegur frá,- þeir myndu halda áfram að "verja Afgana fyrir yfirráðum Talíbana, með öllum tiltækum ráðum"..... Er ekki orðið tímabært að Bretar hugsi um að verja líf Breta, og lífsrétt, "með öllum tiltækum ráðum"?

Málið er, ég bjó með Breskum vinnufélaga og konu hans í rúmt ár.  Hann er fyrrum hermaður til margra ára, hún er hermannsbarn.  Eitt kvöld sátum við við sjónvarpið, sem oftar, þá var Sky fréttastofan að taka á móti Breskum hermönnum, sem voru að koma heim, eftir sex mánaða dvöl í Írak.          Ég er ekki neinn heittrúaður stríðsandstæðingur, en eftir að horfa á þessa frétt um stund, stóð ég upp, og sagði þeim ég gæti ekki horft á þetta.      Þau þekkja mig vel, og vita að ég kveinka mér ekki við smáræði, og spurðu í forundran, hvað amaði að?

Málið var, að allir, já ALLIR "hermennirnir" sem Sky náði tali af, þetta kvöld, voru það sem ég kýs að kalla "táninga-hermenn".  Þeir sögðust hafa verið nýbúnir að skrá sig í herinn, flestir höfðu þeir nýlokið 3-6 mánaða þjálfun, og verið svo sendir beint til Írak, því Bretar voru að berjast við manneklu þar.  Þessir drengir voru á aldrinum 19 til 23 ára!!!

Finnst einhverjum þessar mannfórnir æskilegar eða öllu heldur ásættanlegar?  Það er sama saga uppi hjá Bandaríkjamönnum, þeir fleygja ungmennum fyrir úlfana í Írak og Afganistan, og einhvernveginn er Alþjóðasamfélagið alltof máttaust að bregðast við þessari hegðun.

Ég heyrði mann lýsa því yfir mjög ákveðið, fyrir nokkrum árum,- að þegar Tony Blair og George Bush lykju störfum sem diplomatar, þá bæri Alþjóðasamfélaginu ekki síðri skylda til að sækja þá til saka fyrir stríðsglæpi,- heldur en það sækir til saka aðra stríðsherra sem eru jafn blindaðir af óljósum hvötum, og þeir eru tilbúnir að stráfella bæði borgara annara þjóða og sína eigin, til að "sanna ágæti sitt"......

Allir vita þó, að þrjár meginhvatir þrýsta þessum mönnum áfram,- valdagræðgi, hroki og peningar.

Ætlar þetta aldrei að hætta??

Ég hef oft sagt það, og stend við það,- þegar fólk lætur öllum illum látum yfir látnum hermanni,- að það á ekki að koma neinum á óvart, að hermaður deyji í stríði, þeir fara út í þessa vinnu með augun opin, kjósa sér þetta starf,- og að sjálfsögðu er alltaf sú hætta fyrir hendi að þeir látist af völdum stríðsátaka,- en ég get ekki með nokkru móti séð það vera ásættanlegt að senda hálfgerð börn, unga og illa þjálfaða hermenn í þau allra verstu stríðsátök sem bjálfar hafa komið sér í, síðan Heimstyjöldin síðari.......

Æi, það er ekki gott að byrja daginn svona, en hinsvegar gott að byrja hann á að lesa um Norðmann sem þorir að segja opinberlega það sem margir hugsa,- minnir þetta ekki á nýju fötin keisarans??

Eigið yndislegan dag, á okkar friðsælu stríðsfríu eyju, elskurnar!!!

Kveðja úr suðrinu

Steinunn

 

Versti Bandaríkjaforsetinn

Jarð-ís-trúarofstæki....

Ég var eiginlega alveg á báðum áttum, eða "öllum áttum", með fyrirsögn í dag...... '"Winnie The Pooh" kom upp í hugann, Kaþólikkar vs Ísbjarnarblús" og ýmsar aðra hugmyndir....... Ég hef ekki skrifað um hríð, nóg að gera, sjáiði til; en núna er búið að vera svo margt í fréttum, sem vekur áhuga minn, að ég veit ekki hvar er best að byrja.......

Jarðskjálftar,- ég er enn og aftur á röngum stað í lífinu, þegar móðir náttúra hristir sig rækilega á Suðurlandi...... Síðast þegar þetta gerðist, bjó ég á Egilsstöðum, og fann ekki svo mikið sem smá titring, og var alveg ferlega fúl.  Núna, stödd í Afríku, er ég aðeins frekar í rónni, þar eð ég hef fengið hressilega jarðskjálfta og eldgos hér,- en mér finnst samt allt annað að upplifa slíkt heima..... Kannski það verði enn einhverjir eftirskjálftar, þegar ég kem í fríið í næsta mánuði......

Langmerkilegast er, að Íslendingar hrista svona 6.3 á Richter, af sér, eins og vatn af gæs,- meðan önnur lönd lamast, fjöldi fólks lætur lífið, byggingar hrynja útum allt og neyð ber að dyrum.  Við hljótum að vera að gera eitthvað rétt, ekki satt?

Nú, svo var það "Bangsímon" sem var aflífaður fyrir norðan.  Það er ekki alveg einfalt fyrir mig að hafa skoðun á þessu fyrirbæri.  Hvenær á að skjóta hund, og hvenær á ekki að skjóta hund, var einhverju sinni spurt.  Ísbjarnarsagan er ekki öll þarna, fyrir mér.  Einhverntímann las ég að þegar ísbirnir  hafa sofnað á ísjaka, flotið langar leiðir, vaknað upp við vondan draum og hent sér til sunds, til að leita lands á Íslandi,- þá sé ljóst að þeir sofnuðu pakksaddir, hafa sofið það að mestu úr sér, og brennt restinni á langsundi,- þar af leiðandi séu þeir til alls líklegir, banhungraðir og "villtir" semsé, ekki í því umhverfi sem þeir sofnuðu....

Við vitum mörg hvernig tilfinning það er, að vakna ekki alveg þar sem við þekkjum okkur, og mörg okkar verða grimmari en verstu villidýr, við þær aðstæður. 

Allavega, bjarndýrið vaknar, syndir, nær landi og er hungrað og ringlað í ókunnu umhverfi.  Löggæslan reynir að leita ráða til að leysa úr flækjunni, en þar sem landar okkar eru ekki alveg með á öllum, alltaf,- flæðir mannskapurinn á svæðið þar sem Basngsímon er á vafri (gleymum ekki að hann er líklega MJÖG svangur!!) og sú ákvörðun er tekin að aflífa hann, áður en einhver kjáninn heldur að hann geti klappað bangsa, rétt honum kótilettu, og spurt hinnar klassísku spurningar "how do you like Iceland"..?

Rétt eða röng ákvörðun? 

Ekki gott að segja, og ég tel mig ekki dómbæra á það,- hefði dýrið verið látið óáreitt,- og skaðað einhvern, þá hefðu sömu gagnrýnisraddir og emja nú, spurt "afhverju komst dýrið svo langt inní land, afhverju var það ekki stöðvað með ÖLLUM tiltækum ráðum"??!!!  

Trúiði mér, þetta var lús/lús ákvörðun yfirvalda, alveg sama hvað gert hefði verið.  Staðreyndin er; Ísbjörn af þessum kalíber er VILLIDÝR, og að tala um að hann sé "nánast barn að aldri",-

HALLÓ,- hann var TVÖHUNDRUÐOGFIMMTÍU kíló!!!! 

Ef gagnrýnendur þess gjörnings, að aflífa dýrið, líta á dæmin frá íbúum á Jan Mayen, Grænlandi og öðrum nágrönnum, sem standa frammi fyrir landtöku þessara dýra, mun oftar en við,- þá myndu þeir verða mjög uppteknir að grenja.  Þar er ekki spurt neinna spurninga, ábúendur þar, vita sem er, að þessi dýr eru grimm, hungruð og komast afar hratt yfir,- og enn hraðar, þegar þau hafa velkst í hafi um stund.  Hungrið eykur hraðann og nánast ekkert getur stöðvað þau. Þau eru skotin án spurninga.

Við megum heldur ekki gleyma, að við búum á stað þar sem nánast ekkert villt dýralíf er til staðar.  Við höfum ekki sérfræðinga í að skjóta deyfipílum úr þyrlum, á slíka gesti.  Kannski við ættum að senda nokkrar löggur á námskeið til Alaska, til að vera undirbúin næst?? 

Common, gert er gert og þetta var jú afskaplega fallegt og glæsilegt dýr, en til úrræða varð að grípa,  án tafar, áður en einhver slasaðist......

Svo eru það blessaðir Kaþólikkarnir, eða ætti ég að segja "Kaþóklikkarnir"?

Er ekki nóg komið af þessu trúarofstæki, mér er spurn? Á nú Jón Gnarr og síminn að verða nýr teiknimyndasöguskandall? 

Mér finnst þetta hið sorglegasta mál, því ég ber ótakmarkaða virðingu fyrir Kaþólikkum, og hef aldei hitt húmorslausan Kaþólikka,- en það virðist vera einhver önnur bylgjulengd á Íslandi.....

Kannski þessir frómu menn ættu að setjast niður, ná í gamla þætti með Dave Allen, Father Ted eða aðrar kómískar Kaþólskar seríur,- og reyna að læra að brosa aðeins útí annað að sjálfum sér, eins og flestir góðir Kaþólikkar gera. Ég hef ekki enn hitt Kaþólikka, sem elskar ekki þessa þætti, sem gera þó stöðugt grín að Kaþólikkum og Kaþólskritrú.  En þessir menn vita sem er, þetta eru leiknir þættir, og þar býr engin mannvonska eða illska að baki.  

Skrýtið líka, að ég man ekki eftir að hafa nokkurn tímann heyrt neinar yfirlýsingar frá þessum "íslensku" kaþólikkum, áður.  Aldrei hafa þeir sent frá sér fréttayfirlýsingar, þegar Íslendingar haf verið slegnir óhug yfir misnotkun Kaþólskra presta á börnum, til dæmis,- og það hefur verið í öllum fréttum og umræðum útum allt....... Einkennilegt að verða svo yfir sig æstir útaf LEIKNUM auglýsingum.

Er þetta kannski athyglissýki eða þeirra eigin ókeypis Kaþólsk auglýsingabrella??

Jæja elskurnar, ég er búin að ausa úr mér í bili,- mjög áhugavert að lesa íslensku fréttirnar þess dagana!!!!

Eigið áhyggjulausan og ganrýnisfrían dag , það er miklu léttara :)

Kv

Steinunn

Afskaplega sorgleg frétt.....

Þessi frétt setur að sjálfsögðu blett á öll hjálparsamtök, sem starfa í stríðshrjáðum löndum, en áberandi er; að þrátt fyrir að heildarfréttin á BBC, setji mörg önnur samtök en SÞ í samhengi við fréttina,- þá vísa "þýðingar" sumra annara fréttamiðla EINGÖNGU til tengingar SÞ/UN við fréttina.  Eins er ömurleg þessi myndbirting SÞ/UN faratækja við fréttina bæði hjá BBC og Morgunblaðinu.  

Það er náttúrulega öllum viðkomandi til minnkunnar og vansa, að slík mál skuli eiga sér stað;  enn heldur skelfileg tilhugsun að ekki hafi verið brugðist við uppkomnum málum, þar sem sérstaklega er talað um "Zero Tolerance".

Mínar hugsanir hvíla þó aðallega hjá fórnarlömbum slíkra voðaverka. 

Það er algjörlega óhugsandi að setja sig í spor einstaklings, sem hefur lifað við mikla hungursneyð og/eða stríðsástand,- og hefur skyndilega mikla viðveru erlendra hjálparliða eða/og friðargæsluliða í heimalandi sínu, treystir að þessi samtök séu komin til bjargar, og verða svo fyrir barðinu á svona voðaverkum, frá "bjargvættunum".  Óhugsandi óhugnaður.

Ég er sannfærð um, að dagsdaglega er reynt að bregðast við slíkum málum, en örugglega mjög erfitt að átta sig á umfangi rannsóknanna sem þau kalla á, til að ná sökudólgunum.

Ég vona bara að með einhverjum hætti, muni öll þau samtök sem nefnd eru í skýrslunni, leggja saman höfuðin í bleyti,- og koma með einhverja eina stefnu, til að reyna að fyrirbyggja slíkan hrylling.

Eigið yndislega dag elskurnar!!

Kveðja

Steinunn

Börn kynferðislega misnotuð

Jabbadabbadú!!!!

Ég verð að játa, að þessi frétt hreyfði hvað mest við henni mér, í morgun.  Þessar lýsingar á "sléttum Breiðafirðinum" tóku mig nokkur ár aftur,- ég hef ekki séð Breiðafjörðinn um árabil, en á undursamlegar minningar (allar góðar) úr Stykkishólminum og Breiðafirðinum, sem spanna yfir nokkura ára tímabil.  Man fyrst eftir að hafa komið í eyjarnar sex ára gömul á ættarmót, og varð ástfangin af umhverfinu, bæði þar og í Hólminum, þá strax.  Vandi komur mínar þangað æði oft, eftir að ég fékk bílpróf, átti líka góða vini og slatta af ættingjum, sem ég held að búi öll þar enn.

Það er skrýtið, ég var að tala við vin minn í gær,- og við ræddum hve mikil forréttindi það eru að geta hangið á öðrum endanum á veiðistöng um bjarta íslenska sumarnótt..... Ég sagði honum að ég stefndi að þessu á Snæfellsnesinu í sumar..... Annar elskulegur vinur sendi mér skömmu seinna lag á netinu, hann hafði ekki hugmynd um fyrri umræðurnar, en sendi mér trailer með broti af "Þessi fallegi dagur" með Bubba..... Tilviljunin!! Ég átti ekki orð!!

Svo sé ég þessa frétt í morgun, nýbúin að opna Bubba trailerinn,- og ég óskaði einskins heitar, en að standa á bryggjunni í Hóminum, og horfa á eftir grásleppukörlunum taka sig til, og sjá báta skera sléttan fjörðinn á útleiðinni í morgunsárið.......

Forréttindi; svona endurgreiðsla fyrir að láta sig hafa langan íslenskan vetur,- þá uppsker fólk íslenskt vor, með öllu því sem fylgir.  Ég hlakka miklu meira til í dag, en ég gerði í gær, að fá að dunda á Snæfellsnesinu í sumar.  Ég var nú alltaf til skammar á mínu heimili, af því mér finnst sigin grásleppa hrikalega vond, og rauðmaga gat ég bara borðað svona einu sinni á ári....

En allt tilstandið í kringum grásleppuna, er allt annar handleggur - og enn í dag, finnst mér mikill sjarmi yfir öllu dæminu  :)

Eigið dásamlegan dag elskurnar, reynið að skreppa niðrá bryggju, hvar sem þið eruð, og horfa út á sjóinn smástund,- sléttur eða úfinn,- alltaf góður fyrir sálina

Kveðja úr sjóleysinu

Steinunn

Grásleppuvertíðin í Stykkishólmi hafin

Suður Afríka, mæli með henni :)

Jæja elskurnar, ég kom tilbaka á sunnudaginn......Kongó er öll við hið sama, en Cape Town var yndisleg að vanda.  Þar er samt "vetur" núna, það var frekar kalt á minn bæklaða mælikvarða, og bara sól í tvo daga......

Hápunktur ferðarinnar var að fara í fyrsta sinn á Rugby leik, sem var í þokkabót með Stormers, sem er eitt af "aðalliðunum" í Super Vodacom 14" deildinni.....Leikurinn var mjög spennandi, og endaði með jöfnum stigum, gegn Waratah´s ....... Að sjálfsögðu rigndi eins og hellt væri úr fötu, allan leikinn, en það var allt þess virði.  Leikvangurinn bar u.þ.b. 40.000 manns þetta kvöld, og stemningin var FRÁBÆR!!!  Ég ætla pottþétt að gera þetta aftur, kannski á World Cup næsta ár.......  :)

Annars var þetta algjör afslöppunarvika, fór ekki svo mikið útúr húsi, kannski þrjú kvöld.  Svolitla verslunarleiðangra, sem enduða aðallega sem skoðunarferðir, því mín vesölu konu-gen hafa alltaf HATAÐ að versla....  Svo ég hreiðraði um mig fyrir framan sjónvarpið, í íbúðinni hennar Lauru vinkonu minnar,- og las bækur þess á milli..... Vinir mínir, sem búa þarna, voru því miður uppteknir í vandamálum Zimbabwe, og báðir úti á sjá af þeim sökum :(  Þetta er leiðinlegt til lengdar, að vera einn á ferð í stórborg, en holl upplifun engu að síður.

Þegar á öllu er á botninn hvolft, þá var bara yndislegt að snúa "heim" til Kinshasa,- hitta vini og vinnufélaga og hefja hina dagsdaglegu vinnu-rútínu....... Er maður ekki undarlegur, skrýtinn pakki??

Ég er hinsvegar nú farin að líta hýru auga til Íslandsferðarinnar í júlí,- tek einn mánuð heima, með strákunum mínum og öðrum vinum,- hlakka ekkert smáræði til!!!

Búin að "stimpla" mig inn,- nú þarf ég að fara að kíkja á hvað er bitastætt í mogganum!!

Eigið yndislega dag öllsömul, hvar sem þið eruð

Kveðja

Steinunn

Fyrirsagnir Moggans.....Tær snilld!!

Þessi fyrirsögn hljómar eins og "eina ferðina enn, fá konur betri þjónustu en karlar"......Þær fá heimsendingu, en þeir verða að fara út á götu,- hrópandi óréttlæti!!!!

Þessi frétt er að sjálfsögðu alls ekki spaugileg, þegar nánar er skoðað, heldur háalvarleg, og sorglegt dæmi um vaxandi ofbeldi heima og heiman.....Þótt einhverra hluta vegna, einhverjum finnist það viðeigandi að draga fólk í dilka, rétt enn eina ferðina.

Mér finnst vaxandi ofbeldi, og sláandi tölur sem þarna eru á ferðinni, vera málið.  Mér finnst að sjálfsögðu mjög átakanlegt hvað útbreitt heimilisofbeldi er, skv þessari skýrslu, en sé ekki alveg hver græðir á að draga konur eða samkynhneigða karla í dilka,- og stimpla þau sem meiri "fórnalömb" en aðra, sem verða fyrir líkamlegum árásum....

Æi, enn ein- "aumingja konur, sem eiga svo bágt af því að allir karlar eru vesalingar og illmenni"- skýrslan..... Það verður nú vatn á myllu einhverra, að setja femínista-klærnar í þessar niðurstöður, og geta hampað því hvað karlar séu nú valdir að öllum áföllum kvenna.....

Ofbeldi er ofbeldi,- það er jafn viðurstyggilegt og ólíðandi, hvort sem því er beitt gegn konum eða körlum.  Hvort karlar ná sér betur/fyrr eftir líkamlegar árásir, sýnir aðeins að konur eru illa undirbúnar undir nútímaáreiti,- eða einhverjar aðrar ástæður liggja ð baki. 

Það þarf enginn heilvita maður að segja mér að það sé eitthvað minna áfall fyrir karl, að verða fyrir líkamsárás, heldur en konu.  Karlinn hinsvegar ákveður oftast, að nú sé komið nóg, og með einbeitni heldur áfram sínu lífi, meðan margar konur velta sér stöðugt uppúr fortíðinni með hjálp hinna ýmsu "sérfræðinga" og "velviljaðra félagasamtaka" o.s.frv. 

Það þýðir ekki að karlinn nái sér neitt betur eða hraðar, hann kvelst eflaust undir niðri, en hann hefur karakter til að taka stjórn á sínu lífi, meðan kona missir stjórn, af því að henni er stöðugt nuddað uppúr því hvað hún eigi bágt.......

Aðalmálið er samt,- fréttamenn Moggans mættu nú alveg sýna smá virðingu, í fyrirsögnum sínum,- ekki í fyrsta sinn sem manni hálfpartinn svelgist á barnalegum og fyrirlitnilegum fyrirsögnum, við fréttir sem eru mjög viðkvæmar, þegar betur er að gáð.....

Bestu kveðjur frá Kongó!!

Eigið yndislegan dag, og ofbeldislausan!!!

Steinunn

 

Konur barðar heima en karlar á götum úti

Ég fer í fríið......

Jæja, þá er Cape Town aðeins rúma tvo daga í burtu.  Ég verð komin þangað á föstudag, og hlakka ekkert smáræði til.

Samt geri ég mér fulla grein fyrir, að þetta verður "öðruvísi" frí,- nú ferðast ég ein,- síðast fórum við sex manna hópur.  Núna er "vetur", búið að vera vætusamt og frekar kalt þar....En málið er bara að komast í menninguna,- fara í bíó, setjast niður á kaffihúsi með góða bók, hitta skemmtilegt fólk, og ekkert að því að fá smá kulda og rigningu, það er ekki eins og ég upplifi það oft, hér í Kongó.  Alltaf þessi jafni 30 stiga hiti og yfir....Alltaf steikjandi sól, með stuttum, snörpum úrhellisdembum, sem helst koma á kvöldin eða nóttunni.  ég er nú enn svoddan "útlendingur", að ef eldingarnar og þrumurnar skella á, meðan ég vaki,- þá príla ég beint upp á þakið á þriggja hæða byggingunni minni, þar er n.k. verönd meðfram öllu þakinu, og ég get setið þar og horft á dýrðina, alveg þar til ég er blaut innað skinni, og komin með stingi í augun af því að horfa inn í eldingarnar.  Hreinlega elska það veður!!

Hlakka samt enn meira til að sjá Table Mountain í Cape Town, þegar það veður í skýjum,- þegar ég kom þar síðast, var það nánast eins og að koma heim........Og finna sjávarilminn,- ég upplifði hvað ég er næm á hann,- fann hann inní miðri borg, þar sem félagar mínir fundu ekki baun  :)

Ef veður leyfir geri ég kannski aðra tilraun til hákarlabæura köfunar, og heimsæki vingarðana, sem ku vera mikið ævintýr.  Fór síðast uppá Table Maountain með vír-vögnum, og skemmti mér konuglega...

Ég ætla að gera þetta að góðri ferð, og hlakka líka til að kom tilbaka  :)

Eigið yndislegan dag öllsömul

Steinunn

 

Hvað er vandamálið??

Ég verð að segja, þar sem ég slæ oft um mig, vegna þess að Ísland sé nánast glæpafrítt land,- þá finnst mér þetta sjálfsagt mál.  Það ætti engin að þurfa að hafa áhyggjur af þessu, nema þeir sem hyggjast brjóta gegn lögum, eða beita ofbeldi gegn lögreglunni eða öðrum þjóðfélagsþegnum.  Það er ekki eins og lögreglumenn verði "stuðandi" fólk sem er á kvöldgöngu, eða hefur ekið of hratt (þó vissulega sumir þeirra ættu það skilið!!!)..... Þessi venjulegi "aumingja-vina-stuðningshópur" mun nú (og hefur nú þegar) kveðja upp raust sína, og gráta hástöfum vegna þeirrar "hættu" sem þetta munu setja "saklaust" fólk í...... Common plííís!!!!!

Lögreglumenn hérlendis eru í sívaxandi hættu, þegar þeir sinna sínu starfi.  Vaxandi ofbeldi glæpamanna og stóraukinn vopnaburður þeirra (kylfur, hnífar,axir o.s.frv.) hlýtur að kalla á þörf til viðbragða, svo þeir sem reyna að glíma við þessar aðstæður, til að tryggja öryggi okkar hinna,- geti sinnt sínu starfi, með einhverja tryggingu gegn því að vera örkumlaðir eða stórslasaðir, eftir á.......

Við viljum löggæslu, við viljum meiri viðbrægð gegn vaxandi ofbeldi,- en.... Það verður engin eggjabaka bökuð án þess að brjóta nokkur egg, kæru landar..... Setjið nú lóðin á vogarskálarnar, þið eruð að ganga í rólegheitum heim, eftir gott kvöld á pöbbanum/kvikmyndahúsi eða annarsstaðar; það er múgur stráka sem veitist að ykkur, og þegar lögreglumaður blandar sér í málið, er hann sleginn í götuna með barefli.  Þið standið jafnvarnarlaus eftir, og að auki er "vinalegi, vopnalausi" lögreglumaðurinn blæðandi við fætur ykkar....... Þarf að hugsa þetta frekar??

Stuðbyssur verða mikð þarfaþing, og hefðu átt að vera komnar í notkun fyrir margt löngu.  Ég styð þessa ályktun heils hugar!!!

Gangi ykkur vel, og á komandi helgi, gangið hægt um gleðinnar dyr, og góða helgi elskurnar!!!!!

Kveðja

Steinunn

Allir lögreglumenn fái rafstuðbyssu