Bara snilld!!

Ragnar, þú ert snillingur og ég er viss um að þú mubt gefa vasapeningana margfalt tilbaka!!!

'Afram heiðarlegir frama-menn!!!!

Kv

Steinunn

Hafði vasapeninga af súðvískum börnum

Umhverfisverndarsinnar??

Lýsir þessi frétt ekki vel, síendurteknum tvískinnungi umhverfisverndarsinna?  Það er jafnlíklegt að þessir "snillingar" hafi komið á staðinn, á sínum eldgömlu, pústspítandi bílhveljum.....

Svokallaðir umhverfissinnar hafa sannað það, hérlendis og erlendis,- að upp til hópa er þetta fólk, sem hefur ekkert betra við tíma sinn að gera, og lifir dagsdaglega þvert á þau gildi, sem það er svo áfram í að predika, mótmæla og jafnvel stunda eyðileggingu,- til að styðja "málstaðinn"...

Ótrúlegustu umræður líta nú dagsins ljós,- í sambandi við ráðstefnuna í Kaupmannahöfn. Skondnast fannst mér að sjá ASÍ ætla að fara að tvinna þessi mál við þeirra baráttu.....Svona álíka þarft framlag, og þegar maður talar um veðrið við Femínista, og þær/þeir fullyrða að það sé sök vondra karlmanna, hvernig veðrinu er komið......

ASÍ á náttúrulega bara að halda sig við að bæta lífskjör landsmanna,- sér í lagi hinna lægstlaunuðu,- spyrna við óréttlátum skattaálögum, og hafna niðurfellingum réttinda, sem tók áður virka Verkalýðshreyfingu,- áratugi, að fá upp á borðið.

Að ætla að fara að gera þessi mál að ASÍ máli, er nokkuð líkt því að dreifa skít,- og halda að enginn sjái hann lengur.....

Svokallaðir umhverfisverndarsinnar eru fundnir útum allt. Þeir t.a.m. prenta áróðursbréf í milljónatali á ári hverju,- og hvolfa þeim um götur stórborga. Fyrst semsé leggja þeir vel að mörkum til eyðingar regnskóganna, og vinna svo umhverfisspjöll, með því að henda ósómanum útum allt..... Tvískinnungur og ekkert annað,- öfgar eins og þær gerast verstar...

Eigið góðan dag elskurnar!!

 

Unnu spjöll á sendiráði Íslands

Gleðilega Hátíð,- Breytingar í aðsigi hjá Trukkalessunni ;)

Elskulegu Bloggvinir!! 

Trukkalessan situr í Kongó, og tíminn líður ekki nógu hratt núna!

Í janúarbyrjun verður haldið til Noregs að hitta unnustann, systur mína og tilvonandi tengdafjölskyldu...Mikil spenna á bænum hér. 

Á komandi ári er stefnt á gríðarlegar breytingar. Ég hef ákveðið að halda á nýjar slóðir, hætta störfum hjá UN og verða heimilisföst með tilvonandi eiginmanni í suður Noregi. 

Það er einkennilega aðlaðandi hugsun, að fara að lifa eðlilegu lífi á ný,- í friðsælu og þróuðu landi.  Tilhlökkunin vex með degi hverjum, eins og hjá litlu barni....Bíð þess að vera með mínum heittelskaða, og þurfa ekki að snúa tilbaka frá honum, innan fáeinna daga, eins og fram að þessu...

Allt þetta mun taka sinn tíma, en ég stefni á að vera farin héðan ekki seinna en í endaðann Júní 2010.

Og hvað hefur reynslan kennt mér á þessum árum,- og hvað tek ég með mér á nýjar slóðir?

Ég tel mig hafa lært að vera þakklát fyrir að vera Íslendingur,  frá landi þar sem ekki hefur ríkt styrjöld í manna minnum. Að vera fædd í landi, þar sem allir hafa jafnan rétt til menntunar og heilbrigðisþjónustu. Ísland, þar sem við drekkum hreint vatn úr krananum, og það kemst á forsíður blaðanna, ef rafmagn dettur út í fáeinar mínútur,- í hluta bæjarfélags!! Þar sem hungur er óþekkt... Mitt yndislega land, mengnarlaust,- með einstaka náttúrufegurð, bjartar sumarnætur og Norðurljós...

Íslendingar; hreinskilnir, samstíga, með ríka réttlætiskennd, góðan húmor og ólatir.....Stunda ekki mannskæð ættbálkastríð....

Landið mitt, þar sem glæpir gegn mannkyni eru nánast óþekktir, og glæpatíðni frá degi til dags er langt undir meðaltali annarra landa.

Ísland; land málfrelsis, ritfrelsis og jafnréttis (Þó að sú einhliða barátta hafi farið nokkuð úr böndunum)...

En ég flyt ekki aftur til þessa fyrirheitna lands, að sinni a.m.k.  Afhverju, myndu margir spyrja?  Ástin hefur leitt mig annað, og í sárri hreinskilni, hafa þær hörmungar sem óstjórn hefur leitt yfir landsmenn, ekki gert það freistandi möguleika að snúa tilbaka.

Þrátt fyrir allar þær hræðilegu afleiðingar sem gjörðir þessa fólks hafa haft,- vona ég að samlandar mínir gefi sér tíma núna yfir hátiðirnar, og muni að þakka fyrir hvað þeir eru heppnir í raun,- ef allt sem fyrir ofan er talið, er tekið með í reikninginn.

Ég hlakka sjálf til að flytja til Noregs,- lands og landsmanna sem er okkur að svo mörgu skylt. Bjartsýn horfi ég til þess að fara aftur að stunda eðlilega vinnu, og eiga heimili....

Ég vil óska ykkur öllum og ástvinum ykkar; Gleðilegra jóla og Farsældar á komandi ári,- og þakka þeim sem hafa sýnt mér umhyggju og alúð í "útlegðinni".  Muni ég klára í júní, verða árin í Afríku orðin fimm og hálft, það er ágætt veganesti úr þessari heimsálfu,- en sá styrkur sem þið hafið sýnt mér, hefur verið ómetanlegur!!

Kær kveðja

Steinunn Helga Snæland

 

Sorglegt og óviðunandi

Hvernig má það vera að í nútímasamfélagi, séu börn enn að stríða við framkomu að þessu tagi?

Það er greinilega pottur brotinn, ekki aðeins hjá þeim börnum sem eru kvalarar/gerendur, hér,- heldur öllum sem að þeim standa.  Það er ekki spurning, ef foreldrar barnanna sem þessi drengur átti samskipti við, hefðu gefið sér örlitla stund, til að rækta með þeim skilning og samkennd,- hefði dæmið snúið öðruvísi.  Hver voru viðbrögð fólksins sem starfar með drenginn? Hvað gerðu leikskólakennarar og síðar kennarar, til að styðja þennan einstakling félagslega?

Er ekki kominn tími til, að fólk átti sig á, að námsgeta barna er aðeins toppurinn á ísjakanum, hvað varðar sáluheill þeirra og hamingju?  Félagslegi þátturinn mun hafa miklu meiri áhrif, til langs tíma.  Einstaklingur, sem er stöðugt undir aðkasti og árásum,- er ekki líklegur til að eiga sér mikla möguleika í lífinu, hvort sem er í námi eða leik,- eineltið mun heltaka allt líf hans og taka alla hans athygli.

Hvenær ætlar samfélagið að krefjast þess að fólk sé dregið til ábyrgðar, þegar börn búa við slíka kvöl?

Ábyrgðin á að vera hjá foreldrum gerenda og öllu því starfsfólki, sem mun í skólakerfinu, hafa samskipti við þolendur/gerendur. 

Bretar hafa nú dregið foreldra til ábyrgðar fyrir skrópi barna sinna. Hvernig væri að Íslendingar drægju foreldra til ábyrgðar fyrir sadískri hegðun sinna barna?  Samúð, skilningur, kærleikur og opinn hugur gagnvart öðru fólki,- er lærð hegðun. Ef foreldrar mega ekki vera að því að kenna börnum sínum þessa grunnþætti manngæsku og framkomu,- þá er eitthvað mikið að. Geti skólastarfsmenn ekki gefið sér tíma til að standa vörð um þá sem verða fyrir aðkasti, einelti eða annarri andfélagslegri hegðun, sem beinist gegn einstaklingum, sem þeim er treyst fyrir,- þá eru þeir ljóslega á rangri hillu í lífinu.  Það traust sem þessu fólki er sýnt,- á hverjum degi sem foreldrar setja börn sín í þeirra hendur,- er mölbrotið, þegar barnið líður félagslega þjáningu á skólatíma.

Gleymum ekki að afskiptaleysi/félagsleg einagrun, er líka einelti. Maðurinn er félagsvera, og það kemur sterkt fram í þessu viðtali, hve mikið kvalræði það er, að vera afskiptur. Það stingur líka í hjartað, að heyra greinilega hvað það, að "hafa verið öðruvísi", fylgir fólki frameftir öllum aldri.  Það ætti enginn að þurfa að burðast með svo tregafullar æskuminningar.

Það er alveg ótrúlegt að foreldrafélög og skólayfirvöld séu svo upptekin af því að safna peningum í hitt og þetta, eða berja bókvitið inn í börnin okkar,- að þau hafi engan tíma eða áhuga á að koma að þessu eldgamla og hræðilega vandamáli.  Hjálpa börnum til að mynda með að gera þau að stuðningsaðilum við nýnema, skapa meiri hópvinnu í frístundum,- og gefa ekki eftir að allir eigi jafnan rétt á að taka þátt, o.s.frv.

Nei, því miður þá er mun meiri athygli á íþróttastjörnurnar og aðra sterkari karaktera,- sem eru í raun að spjara sig ágætlega, og þurfa ekki svo mikla athygli eða stuðning.

Mér er alltaf ofarlega í minni, þegar skólastjóri sagði tveimur mæðrum,- sem áttu drengi, sem höfðu liðið stöðugt einelti,- "að skólinn bæri ekki ábyrgð á að skaffa drengjunum vini"....Þetta var yfirlýsing, sem fylgdi þvi að loksins höfðu aðrir foreldrar og skólastarfsmenn sett gerendunum mörk, og þessir tveir drengir voru ekki undir líkamlegum og andlegum árásum, á hverjum degi,- eins og fram að því.  Hinsvegar voru þeir i staðinn, settir   "á frost",- fengu ekki að taka þatt í neinu, og hefðu eins getað verið vofur á göngum skólans, og jafnvel í tímum. Þeir áttu ekkert félagslíf utan skóla heldur.  En skólinn "bar ekki ábyrgð á að skaffa þeim vini"!!! Fullorðið fólk, með sérmenntun í að ábyrgjast þessa einstaklinga, hafði ekki meiri einurð eða áhuga á vellíðan skjólstæðinga sinna, en þetta!!

Þetta ástand er búið að líðast í alltof langan tíma,- og óþarft að benda á, að það versnar með hverri kynslóð,- af einhverjum orsökum, er eins og grimmdin færist stöðugt í aukana, samviskuleysið vex. 

Ég tek ofan fyrir hverjum þeim, sem eins og foreldrarnir í þessu viðtali, spyrna við fótum og segja að það sé nóg komið. Ég vona að börnin sem þau eru að styðja, muni njóta góðs af. Mér er samt spurn, hvort ekki sé sterkari leikur að öll hagsmunasamtök barna, séu undir einum hatti,- og nái þá frekar fram einhverjum viðhorfsbreytingum. Það skiptir engu máli, af hverju börnin okkar eiga undir högg að sækja,- hvort þau tala öðruvísi, eru stór, lítil, hölt, klæða sig öðruvísi eða skera sig úr "hópnum" með öðrum hætti,- þau eiga öll sama rétt á mannúðlegri framkomu samfélagsins!!!

Horfum í eina átt, börnin eru framtíðin og eiga rétt á að geta horft tilbaka síðar, og mun góða tíma......

Góðar stundir

Steinunn

Hann var alltaf einn

Áráttuhegðun íslenskra "vísindamanna"....

Enn og aftur er forgangsröðun íslenskra lækna gjörsamlega út úr kú.

Ég ætla alls ekki að neita því, að reykingar séu skaðlegar,- en því miður er alltof oft farið frjálslega með staðreyndir, þegar læknar og yfirvöld, vilja draga athyglina að reykingum. (Oft hentar slík umræða stjórnvölum vel, til að draga athygli landsmann frá einhverjum mikilsverðari hlutum/umræðu) 

Skaðsemi reykinga er mikil, ekki spurning um það. hún er hinsvegar alltof oft ýkt, og orsakir og afleiðingar teknar úr samhengi.

Mér er ferskt í minni, að fyrir nokkrum árum,- var hinn íslenski Landlæknir ekki sáttur við umræðu um skaðsemi áfengisdrykkju. Hann sat fund með mörgum sem höfðu þjáðst af afleiðingum alkóhólisma,- alkóhólistum, aðstandendum, hjúkrunarfræðingum, prestum, löggæslumönnum ofl. Þegar umræddur læknir hafði lítilsvirt þennan fund, nokkrum sinnum,- tók steininn úr, þegar hann fullyrti að árið áður "hefði ENGINN Íslendingur látist af völdum áfengisdrykkju"!!??  Margir viðstaddir höfðu í frammi hávær mótmæli, og kom m.a. fram hjá fagfólki, að það væri erfitt að greina þetta, þar eð slíkt kæmi aldrei fram á dánarskýrslum,- heldur hefði drukkni maðurinn sem fleygði sér fram af kletti, "látist af falli", áfengisdauða konan sem kafnaði i eigin uppköstum,- hafði "látist af völdum drukknunar, eða köfnunar"... og svo mátti lengi telja....

Sama gildir um dánarvottorð reykingarmanna, það er klárt. Reykingarmaður má ekki hrasa í stiga,- ef hann reykir, er það klárlega ástæða fallsins!! Allt sem tengist heilsufari reykingarmannsins, SKAL hengt á reykingar hans/hennar!!

Ég hef orðið fyrir þessu sjálf, að vera með verk í baki/öxlum, og læknagrey taldi við hæfi að fara að ræða reykingar mínar, í því samhengi!!!

En drykkjusjúkdómar eru BANNUMRÆÐUR!!  Talandi um peninga sem eytt er í reykingartengd samfélagsleg/heilbrigðis-vandamál...

Það er ekki spurning að meiri peningum er eytt í félagslega aðstoð til handa alkóhólistum, aðstandendum þeirra og tap á vinnumarkaði vegan allskyns fjarveru,- heldur en reykingarmanna.

Félagslegar afleiðingar drykkjusjúkdóma eru án vafa alvarlegra mál, en þær sem að reykingum snúa.

Hvað eru mörg dæmi um að fólk til að mynda leggi hendur á ástvini sína, eða aðra,- af því að þeir reykja?

Hvað hafa margar nauðganir verið tengdar reykingum?

Hvað eru margir fangar inni á stofnunum, vegna afbrota frömdum af einhverjum, sem hafði reykt of mikið?

Hvað hafa margar fjölskyldur verið leystar upp, vegna reykinga?

Hvað hafa margir misst vinnu, eða hætt að mæta,- vegna reykinga?

Hvað er algengt að reykingarmenn, mæti ekki í vinnu "daginn eftir" að fá sér sitt tóbak?

Hvað má rekja mörg bílslys til reykinga, versus drykkju?

Er þetta ekki lítisvirðing við alla þá sem þjást, jafnvel svo árum áratugum skiptir,- sökum áfengissjúkdóma?

Setjið nú forgangsröðina rétta, í EITT SKIPTI!!! Ef yfirvöldum er svona hugleikið að taka einstaklingsréttinn og "valið" af fullorðnu fólki,- hafið þá alavega hugrekki til að byrja á réttum enda!!

Hvað varðar unglinga reykingar, er ekki komin tími til að fólki sé gert að ala upp sín börn, án íhlutunar yfirvalda? Hvað hafa sömu yfirvöld gert til að íhlutast, vegna ofurölvunar unglinga um allt land? Þá finnst þeim við hæfi að foreldrar taki ákvarðanir og axli ábyrgð...

Læknar og aðrir, sem telja sig geta ráðskast með fullorðið fólk, ættu ekki að vera þeir hugleysingjar,- að þora ekki að skora áfengisdrykkju á hólm,- vegna þess að hún er "samþykkt félagsleg athöfn",- eins og góður læknir játaði fyrir mér, þegar við ræddum þessi mál, fyrir mörgum árum. 

Reykingarfólki hefur nú þegar verið hent út úr húsi, allsstaðar þar sem fólk kemur saman. Furðu má sæta, að réttur eigenda staða,- er enginn.  Starfsfólk samkomustaða ætti að hafa sama val, sumir vilja og sumir vilja ekki, vinna á stöðum þar sem reykt er.  Hvað varð um hið fræga einstaklingsfrelsi á Íslandi?  Ætlum við að taka framúr Svíum, Kínverjum og "gömlu" Sovétríkjunum,- og svipta fólk algjörlega sínum valréttindum?

Væri ekki nær að vera að líta til annarra og mikilsverðari málefna, sem snerta framtíð landsmanna?  Þetta er farið að lykta eins og Bjórumræðan, gerði hér í gamla daga.  Alltaf þegar íslensk stjórnvöld þurftu að ýta óþægilegum málum gegnum þingið, var bjórumræðan dregin upp, rykið dustað af henni,- og meðan þyrstur landslýðurinn horfði gráðugum augum á, og vonaði að nú myndi verða af afléttingu bjórbannsins,- var öðrum óþægilegum málum mokað gegnum þing landsamanna,- bakdyramegin.....

Ég velti fyrir mér....Hvað hangir á spýtunni núna???

Góðar stundir

Steinunn

Hugmynd um að banna tóbakssölu

EINELTI NEI TAKK! Hetja hjólar fyrir aðrar Hetjur!!

Mikið vona ég að allir leggist á eitt, og leggi þessu þarfa málefni lið!!

Nánast allir hafa þekkt einelti, frá einhverri hlið,- verið þolendur, verið vinir eða fjölskylda þolenda,- eða jafnvel verið gerendur.  Gleymið því ekki elskulegu samferðarmenn, að sá sem stendur hjá, og aðhefst ekkert, er gerandi líka.

Einelti er framkvæmt daglega, í skólum, á vinnustöðum og víðar. Einelti er ekki eingöngu framið gegn börnum, heldur fullorðnu fólki líka. Og þegar hópur setur sig í þvílíka stellingar gagnvart fullorðinni manneskju,- ýmist notar hvert tækifæri til að niðurlægja,- eða horfir í hina áttina,- þá er þessari manneskju gert lífið óbærilegt!!

Hvað þá, þegar um minstu samborgara okkar er að ræða,- blessuð börnin. Grimmdin sem einkennir einelti, er langtum meiri,- en við eigum nokkurn tímann von á að okkar börn auðsýni öðrum börnum. En ef við veigrum okkur við umræðuna, heima, á foreldrafundum og allsstaðar þar sem hægt er að koma ákveðnum skilaboðum til barnanna,- skilaboðum sem segja "ALLIR foreldrar og kennarar eru samtaka um að einelti verður ALDREI liðið, í þessum skóla/félagsskap/hóp",- mun ekkert breytast.

Ég þekki einelti af eigin raun. Ég bý enn að því að hluta,- þó ég hafi verið svo ljónheppin að geta unnið mig útúr mesta sársaukanum. Að hafa verið 'Feiti nördinn með gleraugun'.....Situr enn í mér.  Ég veit í dag, að ég var ekkert verri en hinir, en ég sakna þess að eiga ekki fölskvalausar minningar úr skóla, eins og margir mínir vinir.

Ég hef sett biturðina til hliðar, ég hef fyrirgefið grimmdina og aðgerðarleysið í hjarta mínu,- en ég er tilbún að ganga langt, til að standa í vegi fyrir að önnur börn og unglingar, þurfi að ganga gegnum sömu líðan sem fylgir manni langt fram á fullorðinsár.

Ég hef alltof oft séð sömu hluti endurtaka sig síðan,- séð sinnuleysi skólayfirvalda, séð og heyrt foreldra sem neita að gangast við að gerendurnir séu þeirra börn,- að þau verði að stöðva, og þau þurfi aðstoð til að hætta að kvelja önnur börn....Sorglegt!!

Eg barnið þitt er oftast eitt á ferð, fær ekki boð í afmæli, tekur ekki þátt í félagslífi, sínir enga tilhlökkun fyrir umhverfi sínu,- athugaðu þá hvort allt sé í lagi,- og MUNDU að benda barninu þínu á, að það muni fá ótakmarkaðan stuðning þinn!!  Hikaðu svo ekki við, að ganga alla leið, gagnvart hverjum þeim sem draga skal til ábyrgðar.  Fáðu félagsskapinn Jerico; sem Jakob Einar hjólar fyrir, til liðs við þig!! 

Ekki gleyma að gerandinn og fjölskylda hans mun líka þurfa aðstoð og styrk til að breyta sínu munstri, og opna augun fyrir réttu og röngu.

Ég ætla að leggja fé til þessarar söfnunar, og vona að þú gerir það sama!

Með baráttukveðjum til þeirra sem standa saman gegn einelti!!

Góðar stundir

Steinunn Helga Snæland

Á hjóli með kokk og fellihýsi

Langar að sjá þetta!!

Skemmtileg og jákvæð frétt, af virkjunarsvæðinu,- loksins!!

Á myndinni er greinilegt, að þarna er mjög smekklegt listaverk,- sem fellur vel að umhverfinu,- og enn áhugaverðara er, að þetta kemur að gagni fyrir alla þá sem heimsækja virkjunarsvæðið.

Í fréttina vantaer algjörlega upplæysingar um hver textinn er, úr Völuspá. Hlýtur að vera hægt að "Gúggla" það.....

Gaman líka að því, að listamenn leggi hönd á plæoginn, við að gera svæðið enn meira aðlaðandi,- sér í lagi, af því að það var jú stór hluti þeirrar stéttar, sem hagaði sér með eindæmum barnalega í mótmælum og andófi, gegn virkjunaframkvæmdunum, frá upphafi.

Hlakka til að heimsækja svæðið aftur á komandi sumri,- taka með nesti og hreiðra um mig akkúrat þarna á Hringiðunni!!

Flott framtak, og óska þeim til hamingju sem að þessu komu!!!

Kveðjur

Steinunn

Hringiða við Hálslón

Rafmagnsleysi,- og önnur vonbrigði!!

Ég get ekki lengur orða bundist. Frétt mbl.is, um rafmagnsleysi, sem myndi vara í a.m.k. tvær klukkustundir, gerðu útslagið!!

Þegar ég ferðaðist til Íslands í sumar, hafði ég lesið hundruðir frétta um þá vesöld og hörmungar, sem hefðu dunið á landsmönnum, vegna yfirstandandi efnahagsástands.

Ég geri alls ekki lítið úr þeim sem vissulega þjást af afleiðingum peningafyllríis,- eigin eða annarra,- en er samt bara ekki að kaupa þetta sem alhæfingu.

Ástæða eitt,- ég reyndi að komast í hand- og fótsnyrtingu, um leið og ég kom heim, en allar snyrtistofur voru yfirbókaðar langt fram í tímann!!  Ekki var heldur lítið að gera á hárgreiðslustofum, skyndibitastöðum, veitingahúsum o.s.frv.... Og nú er ég ekki að tala um ferðamenn eða útlendinga!! Merki um fátækt?

Nú, svo skellti maður sér út á land. Ók frá Egilsstöðum til Akureyrar og tilbaka. Ég geri mér grein fyrir að landsmenn þjást klárlega af takmörkunum utanlandsferða í ár. En "greyin" þurftu í staðinn að pússa rykið af öllum tjaldvögnunum og hjól/fellihýsum,- sem annars hafa staðið á beit í innkeyrslunum, sem stöðutákn eigendanna... Þjóðvegur eitt, fyrir norðan, var pakkaður af þessu fólki,- íslenskar bifreiðar, á íslenskum númerum, EKKI leigubúnaður fyrir útlendinga!! Sama ástand sá ég í hverjum föstudags/sunnudags kvöldfréttatíma, fyrir sunnan,- þegar þjóðvegurinn inn í og út úr Reykjavík, stíflaðist af sömu ástæðum.

Svo spurningin er; eru landsmenn virkilega orðnir svo staurblindir á lífsgildin,- að þeir hrína eins og grísir,- nánast útaf engu?

Öll börn á Íslandi hafa enn rétt á frírri menntun!

Heilbrigðisþjónusta er nánast frí!!

Rafmagnsskortur/leysi , þekkist vart!!

Hreint vatn og heitt vatn er alltaf til staðar, ótakmarkað!!

Mannréttindum er oftast gert hátt undir höfði.

Betl er nánast óþekkt.

Þrátt fyrir aukningu, eru glæpir í lágmarki miðað við nágrannalönd!

Trúfrelsi ríkir (tja, nánast,- aðskilnaðar Ríkis og kirkju enn beðið)

Ættbálkastríð eru yfirleitt háð á prenti (eða með peningum/pólitík)

Stjórnvöld eiga erfitt með spillingu; vegna takmarkaðs fjölda landsmanna, á ekki að vera einfalt að fela neitt.

Tjáningafrelsi á prenti og í töluðu máli

Nánast fimm stjörnu hegningahús

Öll samskipti við umheiminn eru einföld (s.s. Internet, sími, aðrir miðlar,- ótakmarkað aðgengi)

Og, siðast en ekki síst,- eins og ég lærði af ungum manni í Makedóníu fyrir nokkrum árum,- Ísland er SVO heppið að eiga enga nágranna!!! Þar af leiðandi ekki auðveldur straumur allskyns fólks inn í landið, og ekki stöðug hætta á landamærastyrjöldum!!!

Margt er skilið undan, en hver heilvita maður þekkir þessar staðreyndir. Okkur hættir bara svo til,að verða vön góðu atlæti, og krefjast alltaf meira,- og þakka ekki fyrir það sem við höfum, langt umfram aðrar þjóðir!

Og fréttaflutningur um tveggja klukkustunda rafmagnsleysi, er hrein mannfyrirlitning, við allar þær þjóðir sem búa við rafmagnsskort, meira og minna. Ótrúleg sjálfshyggja!!

Aftur að sumarfríinu mínu. Ég taldi að vegna "ástandsins" sem ég hafði lesið svo mikið um,- aukið atvinnuleysi og fyrirtæki að berjast í bökkum,- að hver einstaklingur myndi leggja sig þrefalt fram, til að halda vinnu, og fyrirtæki myndu að minnsta kosti veita sambærilega þjónustu, sem maður fær annarsstaðar.

Verum nú heiðarleg, Íslendingum finnst leiðinlegt að "þjóna",- finnst það undir þeirra virðingu.  En nú er komið að því, að fólk þarf að setja sjálfsvirðinguna í starfið, og fyrirtækin þurfa að sýna viðskiptavinum virðingu,- ætli þau ekki á hausinn.....Hélt ég. 

En ekki aldeilis, að þau skilaboð virtust hafa komist í gegnum haus landsmanna. Hvað eftir annað varð ég vitni að algjöru sinnuleysi starfsfólks í þjónustustörfum,- og mjög oft einskærum ruddaskap!!! 

Nú er lag,- allir þeir einstaklingar,- sem nenna að vinna, eru jákvæðir og þrá að sleppa atvinnuleysisbótum....Hvernig væri að sparka amlóðunum út, og ráða þetta fólk í staðinn?

Eitt enn kom mér að óvörum. Víðast hvar var hreinlæti orðið svo áfátt, að samanburður minn við Afríku,- hafði betur??!!!  Hvernig má þetta vera??  Almenningssalerni á veitingastöðum, BSÍ og þess háttar, báru þess merki að hafa ekki verið sinnt, jafnvel svo dögum skipti.

Já, BSÍ...Bifreiðastöð Íslands....Skjöldur og sverð landsmanna, hvað varðar mannflutninga, sér í lagi á erlendum ferðamönnum. Þangað komum við á sunnudegi. Inn á kaffiteríuna héldum við, og kíktum eftir einhverju ætilegu í kælinum.  Smurbrauðið var ávísun á matareitrun, glært majónes og grátt hangikjöt,- var það sem mætti manni. Skyr og jógúrt voru útklístruð eftir að dolla hafði sprungið í kælinum, Guð má vita hvenær. Útrunnin vara útum allt. Og ekki tók betra við á salernunum. BÆÐI karla og kvennasalerni voru pappírslaus,- og höfðu greinilega ekki verið þrifin mikið, frá því föstudaginn áður!!

Hvað er að gerast með Heilbrigðiseftirlitið, mér er spurn??  Slík vanræksla var raunin, á svo mörgum áfanga og áningastöðum. Eg skil ekki neitt í neinu, því þegar ég var verslunarstjóri í matvöruverslun á Austurlandi, voru heilbrigðisyfirvöld eins og vargar á hræi,- alltaf að taka sýni, kanna útrunna vöru, hreinlæti o.s.frv.  Sér í lagi á háanna-ferðamannatíma! Ég held að þessir ríkisstarfsmenn séu ekki alveg með á öllum, þessa dagana....

Fyrirgefið, en nú er lag. Ísland þarf á auknum ferðamannastraumi og innkomu gjaldeyris að halda. Til að ná því fram, þurfum við líka á þvi að halda, að ferðamenn beri okkur vel söguna, til þeirra sem vonandi á eftir koma.Og í þessu öllu saman, er aðeins réttlátt að slóðarnir og ruddarnir, missi atvinnu og/eða fyrirtækin! Það á ekki að vera sjálfgefið að menn geti keyrt metnaðarfullt og vel rekið fyrirtæki á hausinn, á meðan einhver aumingi, sem nennir ekki einu sinni að fylgjast með lágmarks þrifnaði, hvað þá heldur þjónustustigi í öðru fyrirtæki, heldur velli!! Það mun endurspeglast á landsmenn alla,- þegar ferðamaðurinn segir sína sögu.

Það voru góðir staðir, jafnvel frábærir staðir- ekki misskilja mig.En því miður voru fleiri staðir miður,- og það varð mér talsvert áfall. Alltaf þegar ég ferðast, hef ég miðað við "heima", allt miklu betra. Sú tilfinning var af mér tekin í sumar, að mestu.

Endilega,- kæru landar; hysjið nú uppum ykkur brækurnar, takið puttana úr rassgatinu, hættið að væla yfir engu,- og ráðist í það verkefni sem framundan er,- að drífa Ísland aftur á þann stað sem að var....Það getur ekki verið svo auðveldlega horft framhjá einföldum gildum, sem við höfum heiðrað svo lengi!!!  Þá getur maður með góðri samvisku, farið að vísa ferðamönnum aftur heim í heiðardalinn!!

Lifið heil

Steinunn

Ekki séns á öðru en stórtapi....

Það hefur alltaf verið augljóst að aðalatvinnuvegi Íslendinga verði ógnað enn á ný, ef til inngöngu kemur í Evrópusambandið.  Margir hafa viljað horfa framhjá þessum staðreyndum, en það væri heimska, ef menn ætluðu að halda áfram að berja hausnum í steininn, nú þegar staðreyndirnar tala sínu máli,- frá Skotlandi séð.  Það er þarft að minnast þess að audveldara er í að komast en úr að fara, ef Ísland gengur í Evrópusambandið, getur það ekki hlaupið út í fýlu, þegar Íslendingar uppgötva að þeir keyptu köttinn í sekknum og aðrar þjóðir munu ryksuga upp ein af fáum auðlindum okkar. Verum nú raunsæ, það er fiskurinn sem hefur haldið í okkur lífi síðan land byggðist, og mun það verða um ókomin ár.  Fóru góðir menn virkilega í gegnum tvö þorskastríð, til að við gæfum landhelgina tilbaka á silfurfati??!!!!

Hvurslags virðiningarleysi er þetta, og aumingjaskapur segi ég!!! 

Hvað viljum við gefa næst, kannski sjálfstæðisbaráttuna?? 

Hvenær fóru Íslendigar að rúlla sér á bakið og láta mótlæti verða til þess að þeir væru tilbúnir að gefa baráttumál sinnar þjóðar eftir??  Mikil vonbrigði ef að verður, finnst mér......

Góðar stundir, njótið þessa dags, kæru landar!!!

Munið líka að njóta þess sjálfstæðis og landhelginnar sem annað fólk barðist fyrir, ykkur til handa!!

Skelfileg reynsla Skota af fiskveiðistefnu ESB

Gleðilegt sumar!!!

Það er mín einlægasta von, að þetta sumar verði snjólétt með afbrigðum,- þó útlitið virðist ekki bjart, þessa stundina.......

En það er nú bara 8.maí, öll von til að þessu linni fyrir miðjan júní,- er það ekki annars?

Ég hefði nú ekki mikið á móti því að fá smásnjógusu hingað, en þrátt fyrir Global Warming,- er heldur líklegt að það verði bið á því.  Fékk samt haglél fyrir nokkrum árum í Burundi,- það var samt þeira svona ísél, og stóð í sléttar 3 mínútur.....Hehehehehehe

Gleðilegt sumar, ekki pakka flíspeysunum niður strax!!!

Kveðjur

Steinunn 

Óveður á Kjalarnesi