Fagra Ísland, einstaka Ísland,-klikkar ekki!!

Jákvæð frétt, um jákvæða umfjöllun! 

Þessi frétt er jafnfrábær og lyktin af fyrsta degi vors, á Íslandi!!

Eftir allan neikvæða fréttaflutninginn, innanlands, sem og utan,- þá vekur þessi frétt með manni vonarneista um að menn sjái enn það sem gerir Ísland svo einstakt, og engu landi við að jafna.

G-strengurinn, lýsir auðvitað bara sérstæðum húmor landsmanna,- en mér finnst að umsagnir um náttúrufegurð landsins, sé það sem skiptir svo miklu máli,- ekki síst þegar þjóðin þarf aukinn ferðamannastraum, og ekki síður jákvæða erlenda umfjöllun, eftir allt skítkastið,- undanfarið hálft ár.

Og ég get bara talað fyrir mig, þótt ég komist ekki á Vestfirðina í sumar, eins og planið var (fresta því um eitt ár), þá vakti lestur fréttarinnar enn meiri tilhlökkun í brjósti mér, að koma til landsins í sumar, í sumarfrí. 

Ég þrái hinar löngu, hljóðlátu sumarnætur.....Helst á öðrum endanum á veiðistöng, við fallegt vatn.  Að heyra ekki í neinni bifreið, bara einstöku fugli,- lóu, spóa, önd.......Og kannski kind og lamb að jarmast á......

Það er fátt dásamlegra í heimi hér. Það er uppáhaldsstaðurinn minn, og uppáhaldstíminn minn, á árinu!!!

Ég vona sannarlega að þessi umfjöllun nái augum og athygli sem flestra, og verði til þess að enn fleiri ferðamenn hugsi sér til hreyfings til Íslands!!

Góðar stundir

Steinunn

Fyrsti G-strengur heims á Vestfjörðum

Ekki á Launum þá, væntanlega,- litli "engillinn"?

Það kemur hvergi fram að þetta sé sjálfboðavinna, en að sjálfsögðu myndi Menntamálaráðherra ekki fara að taka brauð ur annarra munni....Eða hvað?

Það hefur verið einkennileg framkoma,- jafnvel leiður ávani,- fólks í launuðum sumarfríum, sér í lagi innan kennarastéttarinnar,- að æða út á vinnumarkaðinn, og hrifsa til sín vinnu frá öðrum þjóðfélagsþegnum, sem jafnvel hafa enga,- hina mánuðina.....

Eitthvað segir mér að Ráðherrar séu líka á launum í sumarfríinu.....

Eitthvað segir mér að 15.000kr á barn (nú þegar margir eiga um sárt að binda, fjárhagslega, er þetta náttúrulega fáránleg upphæð, rukkuð af Háskólanum, sem við öll höfum borgað!!!),- þýði að þarna sé EKKI um sjálfboðavinnu að ræða.

Væri fróðlegt að vita, hversu fagmannleg framkoma háskólamenntaðs fólks er,- og hve miklu það vill í raun skila aftur til þjóðarinnar......

Góðar stundir elskurnar

Steinunn 

Menntamálaráðherra kennir í sumar

Ég er sko flutt, núna!!!!

Þetta er nú enn einn sárgrætilegi brandarinn frá Kína,- þótt ég yrði sennilega uppáhaldsþegn hjá þeim, keðjureykinga manneskjan.

En framkoma Kínverskra yfirvalda, í garð þegna sinna, er svona heldur brutal, fyrir minn smekk,- að öðru leiti.

Ég, sem er allra jafna ópólitísk,- gat ekki einu sinni hugsað mér að horfa á eina mínútu af Ólympíuleikunum,- því ég fékk mig fullsadda að lesa um mannréttindabrot og hvernig verkamenn utan af landi voru hlunnfarnir, reknir áfram sme þrælar og misnotaðir,- til að koma allri sviðsetningunni á legg,- og svo sagt að sneypast launalausir heim aftur.

Er þetta ekki alveg makalaust?

Skipað að auka reykingar

Fáránlegur samanburður, enn fáránlegri fyrirsögn!!!

Ekki í fyrsta sinn, sem Mogga fréttamenn, slá um sig með GRÍÐARLEGRI fyrisögn, sem hefur engan grunn til að byggja á, og er frétt um ekki neitt.

Svona lagað virðist aðeins vera gert, til að byggja upp meiri móðursýki, meðal þeirra, sem nú þegar eru yfir stressaðir,- sé ekki alveg heilbrigðan tilgang þar að baki. 

Fólk er EKKI að deyja í massavís af svínaflensunni,- þau dauðsföll sem hafa verið TALIN eiga rætur sínar að rekja, til svínaflensunnar,- eru svo örlítið brot af þeim sem hafa verið greindir,- að það er nánast ekki orð á gerandi.

Hafa menn algjörlega gleymt þeim sama hræðsluáróðri, sem fór í gang í upphafi "fuglaflensunnar",- sem reyndist vera stormur í vatnsglasi?

Þetta er óþarfi, sér í lagi þar sem miklu fleiri látast daglega úr malaríu (um þúsundir barna eru greind, og látast af veikinni DAGLEGA í Afríku), kólera tekur mikinn toll, eyðninni skyldi enginn gleyma,- og svo má lengi telja......Þannig að þessi flensa er ekki teljanleg sem ofsfengin blóðtaka, enn sem komið er,- langt í frá!!!

Og á þessum byrjunardögum, skyldu menn forðast svona tilhæfulausar samlíkingar, og reyna heldur að halda sig við einfaldar staðreyndir.

Pirrar mig, en læt þetta ekki eyðileggja fyrir mér daginn!!!

Góðar stundir!!

Svínaflensan borin saman við spænsku veikina 1918

Stórfrétt?? Nei, held ekki það.....

Mér er skemmt, mér er reyndar STÓRSKEMMT!!!

Ég var austur á fjörðum, þegar Keikó var væntanlegur til Íslands, forðum daga.  Allir fylgdust spenntir með baráttu Austfirðinga og Vestmannaeygina, um að hreppa "hnossið".... Allir ætluðu þetta verða stórkostlega viðbót við ferðamannastraum, til staðarins, sem yrði ofan á.

Ég, bjáninn sá arna,- einn af mörgum Íslendigum, sem er alin upp við að fiskur sé lífæð landsmanna,- var svosem ekki alveg á sama máli.  Mín útgáfa af þessari einstöku sögu, er eins, til dagsins í dag,- sérlega þegar ég hitti að máli umhverfis-fábjána.....  :)

Sko, Keikó var fiskur,- hann er jú stór, hann er jú spendýr,- en hann gat ekki lifað á landi,- svo fiskur, er alveg á hreinu í minum huga.  Meinið er, að ekki var hann bara stór, heldur stórheimskur fiskur!!! Hann hefði verið kallaður þorskur, og líka allir afglaparnir (hmmm...vísindamennirnir) sem stóðu á bak við þennan flutning lifandi fisks, til Íslands!!!

Dálítið eins og að fara með kaffi til Brasilíu eða Ruaðvín til Frakklands, ekki satt?

Jæja, menn eyddu svo svakalegum fjármunum í að koma fiskinum "heim",- að ég kann ekki einu sinni að telja núllin.  Það voru landflutningar í USA, það voru kvíar og bryggjur, byggðar í Vestmannaeyjum, og svo það allra besta, flutningafluvélin,- sem braut svo niður flugbrautina, skemmdist eitthvað,- og allt kostaði þetta GRÍÐARLEGA mikið,- en Íslendingar borguðu ekki fyrir heimskuna,- svo manni var bara lúmskt skemmt.  Tja, fyrir utan að skemmdirnar á flugbrautinn hljóta að hafa raskað eitthvað flugi til og frá Eyjum, en þeir eru nú öllu vanir Eujamenn, sökum veðra og vinda, í þeim efnum.

Jæja, nú var fiskurinn kominn "heim", í fylgd vísindamanna hirðar, sem ætlaði að "þjálfa" hann til að fara aftur á heimaslóðir, semsé í sjóinn.  Hvað þeir óttuðust mest, er ekki ljóst, kannski drukknun???

Vestmannaeyingum var fljótt gerð grein fyrir því, að Keikó yrði ekki til sýnis,- sirkus og sýningarstörfum hans væri lokið, nú ætti hann að einbeita sér að því að snúa á hin íslensku mið.  Þar með var ferðamanna aðdráttaraflið farið í hundana, eða hvalin, hvernig sem fólk vill líta á það.

Eftir svo og svo langan tíma, nokkra "prufutúra" með fiskinn útá Íslandsmið, var sú ákvörðun tekin, að hann væri tilbúinn að "fara alfarinn heim"....... Og hasta la vista babe,- Keikó fór í sjóinn, þar sem allir góðir fiskar ættu að vera.

Hvað gerði fiskaulinn??

Til að byrja með, skulum við hafa það á hreinu, að Íslendingar voru í hvalveiðibanni, á þessum tíma.  Reyndar voru ENGIR af nágrannaþjóðunum að veiða hval,- NEMA Norðmenn......Og fiskurinn synti af stað,- rakleitt til.. NOREGS!!!!!!

Svo, fyrsta sjálfmorðstilraun, var að storka norskum hvalveiðimönnum til lags við sig.  Þeim leist ekki á griðinn, tóku ekki við agninu,- kannski af því að hann var bæklaður,- víst með sí-standpínu.......

Þegar hvalafangarar litu ekki við Keikó,- var honum öllum lokið.  Hann svamlaði um á milli báta, í þeirri von að þeir væru í raun hvalveiðiskip.  Ekki flögraði að honum að fara aftur í öryggið á Íslandsmiðum.

Þegar allt kom fyrir ekki, tók hann einbeitta ákvörðun, synti upp í norskar fjörur, og fargaði sér þar!!!!

Þákom annar kostnaður, hreinsun ofl. sem fylgdi þessu óvelkomna hræi,- borguðu umhverfisbjánarnir og vísindamennirnir fyrir það?  Held ekki.....

Svo, nú var búið að fórna öllum þessum peningum og tíma í fisk, sem fargaði sér sjálfur.  Ég vona að stuðningsmenn þessa gjörnings taki sér nú smástund, og reikni út hvað hefði mátt bjarga mörgum mannslífum í vanþróuðum löndum með að gefa sama pening þangað,- og enn heldur, slatra fiskinum, og gefa kjötið til bjargar hungruðum heimi.....

Niðurstaða mín er, þetta var fólskuverk framið af illa upplýstum og í meira lagi takmörkuðum einstaklingum.  Dýrinu haldið á lífi, við annarlegar aðstæður í "vísindaskyni",- þar til það drap sig,- og á sama tíma vissu menn af allri þessari neyð um allan heim, en töldu peningum betur varið í þetta "verkefni".......

Hvenær munu menn læra?  Og svo koma þessir "vísindamenn" fram á sjónarsviðið núna, og segja okkur, það sem hverjum heilvita manni var ljóst frá upphafi, þessi "frelsun" hvalsins gat aldrei gengið upp.... JEMINN EINI, ég segi nú bara það!!!

Góðar stundir elskurnar

Steinunn

„Rangt að frelsa Keikó"

Gott og gagnlaust á blaði!!

Enn og aftur sér maður svona flotta "stefnu" hjá enn einum skólanum. 

Ef þessari stefnu hefði verið fylgt, er dagljóst að ástandið væri alls ekki eins og þolendur lýsa sinni upplifun.  Ég hef margoft séð svona yfirlýsingar/stefnur áður,- en finnst tímabært að ráðuneytin, sem eiga að láta sig málið varða,- í þessum skilningi Mennta og Félagsmála/ráðuneyti, ef mér skjátlast ekki,- fylgi því eftir að stefnurnar séu ekki aðeins á blaði, heldur í framkvæmd!!!

Ekki láta þessar yfirlýsingar Sellfossbæjar, duga til að svæfa eitt misindismálið enn!!!

Það er löngu mál til komið, að viðeigandi ráðuneyti setji aukna orku í að verja málefni ungmenna þessa lands, og hugsi um hagsmuni og öryggi hvað varðar andlegt/líkamlegt ástand fjölskyldnanna, sem sogast inn í hringiðu eineltis.

Ég hef bent á það áður, en finnst aldrei nógu oft bent á það,- að gerendur eineltis þurfa sannanlega jafnmikið á hjálp að halda, og þolendur.  Það er ekkert barn, sem verður að ástæðulausu hrottafengið, við önnur börn.  Það eru einhverjar ástæður að baki, barnið hefur áður orðið sjálft fyrir einelti, og snýr vörn í sókn,- eða á við annarskonar angist eða andlega erfiðleika að stríða.

Foreldrar, hvort sem þið eigið þolanda eða geranda,- látið í ykkur heyra, krefjist þess að ALLIR hljóti þann stuðning, sem skattar landsmanna eru borgaðir með!!! Gleymið því ekki (þótt það sé miklu auðveldara að halda hið gagnstæða) að ef barnið þitt "horfir bara á" en tekur ekki beinan þátt í einelti,- þá er það gerandi!!!!  Ljótt að segja, en sannleikann er oft erfitt að horfast í augu við.  Einelti dregur alla inn í vítahringinn, það er aðeins hægt að segja, að þau börn/ungmenni, sem eru ekki þolendur, en bregðast hart við GEGN einelti,- eru ekki gerendur!!!

Mega gæfan og fólkið sem á að vera að vinna að málefnum ungs fólks í þessu landi, vera með ykkur!!!

Góðar stundir

Steinunn

Ofbeldi og einelti á ekki að líðast

Það var komin tími til að ná athygli fjölmiðla!!!

Mér finnast þetta ekki fréttir,- einelti er oft látið viðgangast, sér í lagi úti á landi.  ég man að hafa verið "aðflutt" á Egilsstöðum, og önnur vinkona mín, hafði flust í burt og komið aftur.  Börn "slíks fólks", áttu ekki sömu mannréttindi og önnur börn.  Við bösluðum í sitt hvoru lagi, og sameinaðar,- að reyna að fá börn okkar varin gegn ýmiskonar áreiti.  Andlegt ofbeldi, og ekki síður líkamlegt ofbeldi.  Loks stefndum við, ásamt nokkrum velmeinandi foreldrum, til Eineltisfundar, á Hótel Héraði.  Barninu mínu var hótað daginn eftir,- en loksins var líkamlega ofbeldinu hætt,- því við hótuðum að leita fulltingis Menntamálaráðuneytis o.s.frv.

Hvað tók við?  Börnin okkar voru "lögð í frost".  Enginn talaði við þau, þeim var aldrei boðin þátttaka í neinu, og oft voru tvíræð orð látin falla, en nógu hljóðlega samt, til að ekki væri hægt að sanna það.

Þegar þetta ofbeldi, í sinni nýju mynd var reifað við þáverandi skólastjóra,- tilkynnti hann okkur að skólanum "bæri ekki að sjá börnunum okkar fyrir vinum,- það væri ekki líkamlegt ofbeldi lengur, og engin sönnun fyrir andlegu ofbeldi, lengra yrði ekki gengið með þetta mál".

Samt sem áður könnuðust margir fullvaxta Héraðsbúar við það, að ekki svo mörgum árum áður, hefði ungur maður tekið líf sitt,- og hefði mátt rekja það beinlínis til langtíma eineltis á skólaárunum.

Þakka ykkur Héraðsbúar, að hafa sannað illmennsku sem ég stimpla á hartnær heilt samfélag,- illmennsku, sem getur tekið höndum saman um að standa vörð um slík mannréttindarbrot, gagnvart þeim sem minnst mega sín,- börnunum okkar!!!

Þannig að, Selfoss, Egilsstaðir og svo mætti lengi telja,- hafa bara sloppið lengi með að vera einkenndir í aðgerðarleysi sínu gagnvart lítilmagnanum.

Smæð þessara samfélaga gerir þeim kleift að haga sér eins og helsjúkar fjölskyldur sem eru gegnsýrðar af einhverjum andlegum sjúkdómum, þar sem allir taka höndum saman, og láta eins og ekkert sé að út á við!!!

Yfirvöld VERÐA hreinlega að fara að taka á þessu,- vakna og sinna framtíðarkjósendum!!!

Kveðjur

Steinunn

Einelti látið viðgangast á Selfossi?

"HAUKUR" í sauðagæru?? Hvaða HÁLFVITI...???

Ég hef nú þagað um stund,- verið að fást við einka-vandamál, "ástandið" á Fróni, og fleira,- mér hefur einfaldlega verið orða vant.....

En ÞESSI fyrirsögn!!  Argggghhhh!!!!!  Það verður EINHVER að fara að kenna blaðamönnum Moggans ÍSLENSKU!!!!!!   Staðreyndin er sú, að það er talað um "Úlf í sauðagæru",- bjálfinn þinn, þarna!!! 

Það er með eindæmum, að ég,- sem er nú þegar oftsinnis leiðrétt, jafnvel af börnunum mínum,- og þarf orðið að leita að "réttu" orðunum, þegar ég tala íslensku,- skuli þurfa að reka augun í svona hrapalegar vitleysur, eins og blaðamenn Moggans virðast alltaf geta komið á prent!!

Hvar í fjandanum eru prófarakalesarar, ritstjórar og aðrir sem ættu að geta stöðvað slíka vitleysu, í að verða birt???   Eða er kannski Mogginn að spara svo mikið, síðustu árin, að hann er einfaldlega bara með ólesandi og illa skrifandi krakka, á sínum launalista???

Ótrúlegt!!!

Ég sé að ég er komin "inn" á ný,- kannski maður hafi dugð í sér í nokkrar færsæur fram til jóla.  Það er miklu léttara allt núna,- og skemmtilegra,- ekki sé minnst á fríið framundan, áramót í Höfðaborg....Jibbbííííí

Sé ykkur síðar elskurnar,- eigiði góðan dag,- og hvernig sem ástandið á Íslandi er,- þá er klár óþarfi að tapa hinni íslensku tungu ofan á allt annað!!!

Steinunn

Obama haukur í sauðargæru?

Jóhann R. og einkamál, Sorglegt....

Það er svo margt sem er sorglegt, þessa dagana.  Góð vinkona er mér horfin, og með fráfalli hennar er höggvið stórt skarð á sálina. ég hef ekki haft dug í mér að skrifa lengi, af þessum sökum; það er miklu erfiðara að kljást við svona mál, þegar maður er langt í burtu.

En þegar ég lít yfir Moggann, se ég líka sorglega hluti gerast heima, sem eru óþarfir og einkum lýsandi fyrir hroka stjórnmálamannsins Björns og hans líka.

Hverning má það vera, að ekki sé hlustað á þann fjölda Íslendinga, sem hafa lýst yfir stuðningi við Jóhann R. Benediktsson, og farið þess á leit að allra leiða yrði leitað til sátta, til að halda þessum afbragðsstarfsmanni í starfi sem hann hefur gengt með sóma.  Nei, ekki klúðra menn þessari umleitan eingöngu, heldur missa fleiri stórgóða starfsmenn með Jóahnni, fyrir vikið!!!

Ég var svo lánsöm að hitta Jóhann, fyrir nokkrum árum,- þá óaðvitandi að þarna var nýi Lögreglustjórinn á ferð. Mér hefur alltaf staðið ofarlega í huga hrokaleysi þessa manns, þegar ég spurði hann hvað hann væri að fara suður á Keflavíkurflugvöll.  Svarið var "ég starfa hjá Lögregluembættinu á Keflavíkurflugvelli".  Þetta svar endurspeglaði þann einarða mann, sem sér sig sem starfsmann þjóðarinnar, en ekki sem "aðalgæjann í bænum",- eins og svo margir aðrir í svipaðri stöðu sjá sjálfa sig.  Mér er ofarlega í huga einn sérstakur, sem er eins og karlinn í nýju fötum keisarans,- þarf ekki að nefna nein nöfn......

Ég sé á nýjustu fréttum, að það er vonlaust að reyna að fá Jóhann til að endurskoða málið,- og ég verð að segja að ég skil það vel.  Eina sem er eftir er þá að þakka honum fyrir yfirburða vel unnin störf og einurð í allri framkomu,- og ég persónulega óska Jóhanni velfarnaðar í hverju því starfi sem hann tekur sér fyrir hendur,- og veit að næsti atvinnuveitandi hans er öfundsverður að fá hann um borð.

Gangi þér vel og lifðu heill Jóhann, heilindi virðast vera þér lífsstíll!!!

Eigið yndislegan dag öllsömul!!!!!

Kveðja frá Kongó

Steinunn

Köld slóð - íslenskur DVD :(

Góðan og blessaðan daginn!!

Nú er ég að hamast við að horfa á íslenska efnið, sem ég tók með mér að heiman.  Í fyrradag voru það hin gífurlegu vonbrigði "Köld Slóð"......        Það var ekki myndefnið sem olli mér vonbrigðum, og flestir leikararnir stóðu sig þokkalega,- sumir rúmlega það.  En litirnir í gegnum myndina, eru einhver sú herfilegasta skrumskæling sem ég hef séð, síðan "Blóðrautt Sólarlag"..... 

Afhverju i ósköpunum skyldu menn taka eðlilega náttúrulega liti út, og hafa alla myndina Ísland í blá/grá/hvítum lit,- og allar persónurnar á litinn, eins og þau hafi verið dauð í allavega tvo daga??  Það er svo margt fallegt í fólkinu og náttúrunni heima, hví að slátra því,- þessi hörmung gerði myndina ekkert meira spennandi, en pirraði mig helling, verð ég að viðurkenna.

Söguþráðurinn er svona sambland af "Arnaldi/King/Koontz" en skilaði sér ágætlega, mest leikurunum að þakka.  Helgi Björnsson fór á kostum eins og hans er von og vísa, Þröstur Leó var ekki svo slakur, samt sjokkerandi að sjá hvað hann varð ógurlega gamall, svona blár á litinn!!  Stelpurnar voru báðar flottar, en enn á ný,- litirnir voru þeim ekki til hagsbóta.     Helgi virtist vera sá eini sem slapp við dauðaáhrifin af litunum....Skrýtið!!

Myndefnið, þ.e. hálendi Íslands, var ein af ástæðunum fyrir að ég keypti myndina.  En ég mun ekki halda henni hátt á lofti, því ef ég sæi þetta hálendi, og vissi ekki betur, myndi það heldur senda mér skilaboðin um að fara aldrei þangað, en ekki. 

Ég er bara að vona að "Mýrin" sé betri,- hún er næst á dagskrá,- er að vísu í láni hjá sænska yfirmanni mínum núna, með hans "Ingmar Bergman", vissi ég að hann myndi þola nánast hvað sem er hahahahahahaha

Í fyrramálið fer ég í vinnuferð um Kongó,- til Bukavu og Uvira.                 Ég er að plana að skreppa yfir til Burundi í leiðinni, en það er fimm mínútna akstur yfir landamærin frá Uvira.  Hitta alla gömlu félagana, sem ég vann með þar í tvö og hálft ár,- hlakka mikið til -  og nú þegar búin að fá "dagskrá" sem þessir vinir mínir hönnuðu fyrir mig, fyrir þessa helgi...Frábært!!                                                                          Annars verður þetta mikil vinna, og sennilegt að ég vinni mestallan laugardaginn, svo ekki bara leikur einn  :)

Þangað til ég kem tilbaka,- hafið það sem best elskurnar,- Njótið þessa dags, því hann er nú,- gærdagurinn er aðeins minning og morgundagurinn draumur, því er það þessi dagur eingöngu sem skiptir máli!!!

Kveðjur

Steinunn